ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། སུའུ་ཏན་ལྷོ་མའི་སྨྱན་བྱད་ཀྱིས་ཚེས་དགུ་ཉིན་བསྒྲགས་པ་ལྟར་ན། སུའུ་ཏན་ལྷོ་མའི་ཙུང་ཐུང་ཅི་ཨར་གྱིས་ཚེས་བརྒྱད་ཉིན་རྒྱལ་དམངས་གྲོས་ཁང་དང་མངའ་སྡེ་ཨུ་ཡོན་ལྷན་ཁང་གཏོར་ནས་རྒྱལ་ཁབ་དེའི་གྲོས་ཁང་ལ་བགྲོད་ལམ་གསར་པ་བཏོད་རྒྱུ་ཁྱབ་བསྒྲགས་བྱས།
གསལ་བསྒྲགས་ལས་བཤད་རྒྱུར། ཅི་ཨར་གྱིས་ཙུང་ཐུང་བཀའ་རྒྱའི་ཁྲོད་རྒྱལ་དམངས་གྲོས་ཁང་དང་མངའ་སྡེ་ཨུ་ཡོན་ལྷན་ཁང་གཏོར་རྒྱུ་ཁྱབ་བསྒྲགས་བྱས་ནའང་། སྐབས་གསར་པའི་གྲོས་ཁང་ནམ་ཞིག་ལ་འཛུགས་རྒྱུ་ཁྱབ་བསྒྲགས་བྱས་མེད་ཟེར།
གསལ་བསྒྲགས་ལྟར་ན། པྲོག་གསར་གློ་ཚད་ཀྱི་ཤུགས་རྐྱེན་ཐེབས་པས། སུའུ་ཏན་ལྷོ་མས་གྲོས་ཁང་གསར་པ་འཛུགས་པའི་བྱ་བ་ལོ་གཅིག་གིས་ཇེ་རིང་དུ་བཏང་ཡོད། ཐེངས་འདིའི་གྲོས་ཁང་རྙིང་བ་གཏོར་ཏེ་གྲོས་ཁང་གསར་པ་བསྐྱར་འཛུགས་བྱེད་རྒྱུ་དེ་བར་བརྒལ་མཉམ་འབྲེལ་སྲིད་གཞུང་གཏན་འཇགས་ངང་འཁོར་རྒྱུག་བྱེད་པར་ཕན་པ་རེད། །