ཞིན་ཧྭ་གསར་འགྱུར་ཁང་གི་གློག་འཕྲིན་ལྟར་ན། པུ་ཁི་ནཱ་ཧྥ་སོའི་དཔོན་རིགས་ཀྱིས་ཚེས་གསུམ་ཉིན་བཤད་རྒྱུར། པུ་ཁི་ནཱ་ཧྥ་སོའི་ཤར་ཕྱོགས་ཀྱི་ཁི་མིན་ཅཱ་ལི་ཞིང་ཆེན་གྱི་སྡེ་བ་ཞིག་ལ་ཉིན་དེར་ཐོབ་ཐང་གསལ་བོར་མི་ཤེས་པའི་དྲག་ཆས་མི་སྣའི་འཇབ་རྒོལ་ཐེབས་ཏེ། མི་བཅུ་ཕྲག་ལྷག་རྐྱེན་ལམ་དུ་ཤོར་ཟེར།
པུ་ཁི་ནཱ་ཧྥ་སོའི་ཤར་ཕྱོགས་ས་ཁོངས་ཆེན་མོའི་མགོ་བ་སཱ་ནོའུ་ཡིས་ཉིན་དེར་གསལ་སྒྲོག་སྤེལ་ཏེ། འདས་པོའི་གྲས་སུ་དམག་མི་གཉིས་དང་མི་སེར་དཀྱུས་མ་བཅུ་ལྷག་འདུས་པ་དང་། གཞན་ཡང་ཁང་བ་མང་བོ་མེར་བསྲེག་ཡོད་ཟེར། མིག་སྔར་བདེ་འཇགས་དམག་དཔང་གིས་ས་ཁུལ་དེར་སྔོག་བཤེར་འགུལ་སྐྱོད་སྤེལ་བཞིན་ཡོད་ཟེར། སཱ་ནོའུ་ཡིས་ད་རུང་མང་ཚོགས་དག་གིས་དོགས་ཟོན་མཐོར་འདེགས་བྱེད་དགོས་པར་མ་ཟད། རྒྱལ་སྲུང་དང་བདེ་འཇགས་དམག་དཔུང་བར་མཉམ་ལས་ཟབ་མོ་བྱེད་དགོས་པའི་འབོད་སྐུལ་བཏང་། །