ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། ཨེ་སེ་པེད་ཅང་དང་ཨེ་མེ་ནི་ཡཱའི་ནཱ་ཀི་ཨར་ནོའུ་དང་ཁཱ་ལཱ་པཱ་ཧི་ས་ཁུལ་གྱི་འཁྲུག་རྩོད་དེ་ཚེས་ཉེར་གཅིག་ཉིན་མུ་མཐུད་དུ་མཚམས་ཆད་མེད།
ཨ་སེ་པེད་ཅང་རྒྱལ་སྲུང་པུའུ་ཡིས་བསྒྲགས་པ་ལྟར་ན། ཚེས་ཉི་ཤུ་ཉིན་ནས་ཚེས་ཉེར་གཅིག་ཉིན་བར། ཨ་སེ་པེད་ཅང་དང་ཨེ་མེ་ནི་ཡཱ་ཕྱོགས་གཉིས་ཀྱིས་ཧྥུའུ་ཙུའུ་ལེ་དང་ཨ་ཏཱ་ལཱ་སོགས་ས་ཁུལ་གྱི་འཁྲུག་རྩོད་མུ་མཐུད་དུ་མཚམས་ཆད་མེད་ལ། ཨ་སེ་པེད་ཅང་ཕྱོགས་ཀྱིས་ཨེ་མེ་ནི་ཡཱའི་མི་བསྡད་མེད་པའི་གནམ་གྲུ་གསུམ་སར་འཕངས་ཡོད་ཟེར།
ཨེ་མེ་ནི་ཡཱའི་འཕྲིན་གཏོང་ཁང་གིས་བསྒྲགས་པ་ལྟར་ན། ཉིན་དེར་ནཱ་ཁཱ་ས་ཁུལ་རྒྱལ་མཚམས་ཀྱི་ལྷོ་བྱང་ཕྱོགས་གཉིས་སུ་འཁྲུག་རྩོད་སྔར་བཞིན་བྱུང་ཟེར། ནཱ་ཁཱ་ས་ཁུལ་གྱི་དམག་དོན་སྡེ་ཁག་གིས་བསྒྲགས་པ་ལྟར་ན། སྐོར་ཐེངས་འདིའི་འཁྲུག་རྩོད་བྱུང་བའི་ཚུན་ལ། ནཱ་ཁཱ་ས་ཁུལ་ནས་རྐྱེན་ལམ་དུ་ཤོར་བའི་དམག་མིའི་ཁ་གྲངས་བརྒྱད་བརྒྱ་དང་སོ་བཞིར་སླེབས་ཡོད་ཟེར། །