ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། ཨེ་ཅིབ་ཀྱི་རྒྱལ་ས་ཁེ་རོ་ཡི་བཙོན་ཁང་ཞིག་ཏུ་ཚེས་ཉེར་གསུམ་ཉིན་མཉམ་དུ་བཙོན་ནས་བྲོས་པའི་དོན་རྐྱེན་ཞིག་བྱུང་སྟེ་བཙོན་མ་བཞི་དང་ཉེན་རྟོག་པ་གསུམ་རྐྱེན་ལམ་དུ་ཤོར།
ཨ་ཅིབ་སྨྱན་སྦྱོར་ཀྱིས་བདེ་འཇགས་མི་སྣའི་གནས་ཚུལ་དྲངས་ནས་བཤད་རྒྱུར། ཐེངས་འདིའི་བཙོན་ནས་བྲོས་ཀྱང་ལེགས་འགྲུབ་མ་བྱུང་བའི་དོན་རྐྱེན་དེ་ནི་ཐའོ་ལཱ་བཙོན་ཁང་དུ་བྱུང་བ་རེད། སྲོག་ཁྲིམས་བཅད་ཡོད་པའི་བཙོན་མ་བཞི་བཙོན་ཁང་དུ་འབྲོ་རྩིས་བྱས་པ་དང་། ཁོ་ཚོས་ཉེན་རྟོག་པར་ཕྱིར་རྒོལ་བྱེད་སྐབས་བསད་པ་རེད།
བསྒྲགས་པ་ལྟར་ན། བཙོན་མ་བཞིའི་ཁྲོད་ཀྱི་བཙོན་མ་གསུམ་ནི་ཐལ་སྤྱོད་རྩ་འཛུགས་ཀྱི་ཁོངས་མི་ཡིན་པ་དང་། ཉིས་སྟོང་བཅུ་གསུམ་ལོའི་ཟླ་བརྒྱད་པ་ནས་ཉིས་སྟོང་བཅུ་བཞི་ལོའི་ཟླ་ལྔ་བའི་བར་དུ། ཨེ་ཅིབ་ཀྱི་ཁྲིམས་འཛིན་མི་སྣར་དམིགས་པའི་འཇབ་རྒོལ་རབ་དང་རིམ་པའི་ཁྲོད་ཞུགས་ཏེ། ཉུང་མཐར་ཡང་ཉེན་རྟོག་པ་བཅུ་བསད་པ་རེད། ཐེངས་འདིའི་བཙོན་ནས་བྲོས་པའི་དོན་རྐྱེན་གྱི་ཞིབ་ཕྲའི་གནས་ཚུལ་ལ་ད་རུང་རྟོག་ཞིབ་བྱེད་བཞིན་ཡོད། །