ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། ནི་ཀྲེ་རི་ཡས་དམག་ཕྱོགས་ཀྱིས་ཚེས་བརྒྱད་ཉིན་གསལ་བསྒྲགས་སྤེལ་ནས་བཤད་རྒྱུར། ནི་ཀྲེ་རི་ཡའི་དམག་དཔུང་གིས་ཚེས་བདུན་ཉིན་རྒྱལ་ཁབ་དེའི་ཤར་བྱང་རྒྱུད་ནས་ཉུང་མཐར་ཡང་ཐལ་སྐྱོད་རྩ་འཛུགས་ཀྱི་དྲག་ཆས་མི་སྣ་བཅུ་བདུན་བསད་ཟེར།
གསལ་བསྒྲགས་ནང་བཤད་རྒྱུར། ནི་ཀྲེ་རི་ཡའི་དམག་དཔུང་གིས་ཚེས་བདུན་ཉིན་ཤར་བྱང་རྒྱུད་པོ་ཨེར་ནའོ་མངའ་སྡེ་ནས་ཐལ་སྐྱོད་རྩ་འཛུགས་པོ་ཁི་ཧྲིན་ཏེ་ཡི་དྲག་ཆས་མི་སྣ་བར་འཁྲུག་འཛིང་བྱུང་ནས། ཉུང་མཐར་ཡང་དྲག་ཆས་མི་སྣ་བཅུ་བདུན་བསད། དམག་མི་གཉིས་འཁྲུག་འཛིང་ཁྲོད་རྐྱེན་ལམ་དུ་ཤོར་བ་དང་། མི་བཞི་ལ་རྨས་ཕོག་ཟེར། །