པོ་ཧེའི་ཀྲུའུ་ཞི་ཚོགས་པའི་སའེ་ཨེར་ཝེ་ཡ་རིགས་ཀྱི་ཁོངས་མི་ཏའོ་ཏི་ཁོ་ཡིས་ཞི་ཅིན་ཕིང་ལ་འཕྲིན་ཡིག་བསྐུར་ནས་ཀྲུང་གོས་ཤང་ཀང་གི་གནད་དོན་ཐད་རྒྱལ་ཁབ་ཀྱི་བདག་དབང་བདེ་འཇགས་ལ་སྲུང་སྐྱོང་བྱ་རྒྱུར་མཐའ་གཅིག་ཏུ་རྒྱབ་སྐྱོར་བྱས།

ཞིན་ཧྭ་གསར་འགྱུར་ཁང་གློག་འཕྲིན་ལྟར།  ཟླ6པའི་ཚེས11ཉིན།  པོ་ཧེའི་ཀྲུའུ་ཞི་ཚོགས་པའི་སའེ་ཨེར་ཝེ་ཡ་རིགས་ཀྱི་ཁོངས་མི་ཏའོ་ཏི་ཁོ་ཡིས་རྒྱལ་ཁབ་ཀྱི་ཀྲུའུ་ཞི་ཞི་ཅིན་ཕིང་ལ་འཕྲིན་ཡིག་བསྐུར་ནས།  ཤང་ཀང་དམིགས་བསལ་སྲིད་འཛིན་ཁུལ་གྱིས་རྒྱལ་ཁབ་ཀྱི་བདེ་འཇགས་སྲུང་སྐྱོང་བྱེད་པའི་བཅའ་ཁྲིམས་ལམ་ལུགས་དང་ལག་བསྟར་ལམ་སྲོལ་འཐུས་ཚང་དུ་གཏོང་རྒྱུའི་སྐོར་གྱི་ཀྲུང་གོའི་རྒྱལ་ཡོངས་དམངས་འཐུས་ཚོགས་ཆེན་གྱི་གཏན་འབེབས་ལ་བློ་བརྟན་འགྱུར་མེད་ངང་རྒྱབ་སྐྱོར་བྱས་པ་དང།  ཀྲུང་གོས་ཐོག་མཐའ་བར་གསུམ་དུ་རྒྱལ་ཁབ་གཞན་གྱི་ནང་སྲིད་ལ་ཐེ་གཏོགས་མི་བྱེད་པའི་རྩ་དོན་རྒྱུན་འཁྱོངས་བྱས་པར་ཚད་མཐོའི་བསྔགས་བརྗོད་བྱས་ལ།  ཀྲུང་གོའི་རྒྱལ་ཁབ་ཀྱི་བདག་དབང་དང་མངའ་ཁོངས་ཆ་ཚང་ལ་ཡོངས་སུ་བརྩི་འཇོག་བྱ་རྒྱུ་བསྐྱར་བསྒྲགས་བྱས་ཏེ།  རྒྱལ་ཁབ་ཁ་ཤས་ཀྱིས་ཀྲུང་གོའི་ནང་སྲིད་ལ་ཐེ་གཏོགས་བྱེད་པར་ཁ་རྡུང་བཏང་བ་རེད།  ཏའོ་ཏི་ཁོ་ཡིས་ཀྲུའུ་ཞི་ཞི་ཅིན་ཕིང་དང་ལྷན་དུ།  “རྒྱུད་གཅིག་ལམ་གཅིག”མཉམ་སྐྲུན་གྱི་གྲོས་འགོའི་སྒྲོམ་གཞིའི་ནང་།  ཕྱོགས་གཉིས་པོའི་ཁྱབ་ཁོངས་ཁག་གི་མཉམ་ལས་རྒྱུན་ཆད་མེད་པར་འཕེལ་རྒྱས་འགྲོ་རྒྱུར་མུ་མཐུད་དུ་སྐུལ་འདེད་གཏོང་རྒྱུ་ཡིན་ཟེར།  །