ཡོ་ཧན་སི·ཧོ་ཕུའུ་ཅིན་སི་སློབ་ཆེན་གྱིས་གོ་ལ་ཧྲིལ་བོར་པྲོག་གསར་གློ་ཚད་ཀྱི་ནད་རྟགས་ཐག་བཅད་པའི་ནད་པ་ཁྲི500ལས་བརྒལ་བར་བསྟན་པ།

ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། ཨ་མེ་རི་ཁ་རྒྱལ་ཁབ་དུ་ཡོད་པའི་ཡོ་ཧན་སི·ཧོ་ཕུའུ་ཅིན་སི་སློབ་ཆེན་གྱིས་ཚེས21ཉིན་ཁྱབ་བསྒྲགས་བྱས་པའི་པྲོག་གསར་གློ་ཚད་ཀྱི་སྡོམ་རྩིས་གཞི་གྲངས་ལྟར་ན། རིམ་རྩིས་བྱས་ན་གོ་ལ་ཧྲིལ་བོར་པྲོག་གསར་གློ་ཚད་ཀྱི་ནད་རྟགས་ཐག་བཅད་པའི་ནད་པ་ཁྲི500ལས་བརྒལ་ཡོད།

གཞི་གྲངས་ལས་མངོན་པ་ལྟར་ན། ཨ་རི་ཤར་རྒྱུད་ཀྱི་དུས་ཚོད་ཚེས21ཉིན་གྱི་ཆུ་ཚོད0དང་སྐར་མ32(པེ་ཅིང་གི་དུས་ཚོད་ཚེས21ཉིན་གྱི་ཆུ་ཚོད12དང་སྐར་མ32བར)  བར། རིམ་རྩིས་བྱས་ན་གོ་ལ་ཧྲིལ་བོར་པྲོག་གསར་གློ་ཚད་ཀྱི་ནད་རྟགས་ཐག་བཅད་པའི་ནད་པ5000038ཡོད་པ་དང་ཚེ་འདས་ནད་པ328172ལ་སླེབས་ཡོད།

གཞི་གྲངས་ལས་མངོན་པ་ལྟར་ན། མིག་སྔར་ཨ་མེ་རི་ཁ་ནི་རིམས་ནད་ཆེས་ཚབས་ཆེ་བའི་རྒྱལ་ཁབ་ཡིན་ལ་རིམ་རྩིས་བྱས་ན་ནད་རྟགས་ཐག་བཅད་པའི་ནད་པ1551853ལ་སླེབས་ཤིང་ཚེ་འདས་ནད་པ93439ལ་སླེབས་ཡོད་པ་རེད། རིམ་རྩིས་བྱས་ན་ནད་རྟགས་ཐག་བཅད་པའི་ནད་པ་ཁྲི20ལས་བརྒལ་ཡོད་པའི་རྒྱལ་ཁབ་ལ་ཨུ་རུ་སི་དང་། པར་ཙིར། དབྱིན་ཇི། སི་ཕེན། དབྱི་ཐ་ལི་བཅས་ཡོད། དེ་ལས་གཞན་ཧྥ་རན་སེ་དང་། འཇར་མན། ཐུར་ཁེ་བཅས་སུ་རིམ་རྩིས་བྱས་ན་ནད་རྟགས་ཐག་བཅད་པའི་ནད་པ་ཁྲི15ལས་བརྒལ་ཡོད་པ་རེད།

གཞི་གྲངས་དེ་དག་ནི་ཡོ་ཧན་སི·ཧོ་ཕུའུ་ཅིན་སི་སློབ་ཆེན་གྱི་ནད་དུག་གསར་པ་ཞིབ་འཇུག་རྣམ་གྲངས་གིས་དུས་ཐོག་ཏུ་རྒྱལ་ཁབ་དང་ས་ཁུལ་ཁག་གི་གྲངས་གཞི་ཕྱོགས་བསྡུས་བྱས་པ་ལས་མངོན་པ་རེད། །

རྩོམ་སྒྲིག་པ། མཁའ་འགྲོ་ཚེ་བརྟན།

དཔྱད་མཆན 0 ཡོད།