ཀྲུང་གོ་བོད་ཀྱི་དྲ་བ།

ཨ་མེ་རི་ཁ་ནས་ཏོག་དབྱིབས་ནད་དུག་གསར་བའི་གློ་ཚད་བྱུང་བའི་ནད་པ་དྲུག་ཅུར་འཕར་ཡོད།

ཡོང་ཁུངས། : མཚོ་སྔོན་བོད་སྐད་རླུང་འཕྲིན།     སྤེལ་དུས། : 2020-02-28
ཡིག་གཟུགས། :ཆུང་། འབྲིང་། ཆེ།

ཞིན་ཧྭ་གསར་འགྱུར་ཁང་གི་གློག་འཕྲིན་ལྟར།  ཨ་མེ་རི་ཁའི་འཕྲོད་བསྟེན་དང་སྤྱི་བའི་ཞབས་ཞུའི་པུའུ་ཀྲང་ཨ་ཀྲ་ཨར་གྱིས་ཚེས་ཉེར་དྲུག་ཉིན་བསྟན་དོན། ཨ་མེ་རི་ཁ་ས་ཁོངས་རང་ནས་ཏོག་དབྱིབས་ནད་དུག་གསར་བའི་གློ་ཚད་བྱུང་བའི་ནད་པ་གཅིག་ཇེ་མང་དུ་སོང་བ་དང་། མིག་སྔར་ཨ་མེ་རི་ཁ་ས་ཁོངས་རང་གི་ནད་པ་བཅོ་ལྔར་འཕར་ཡོད་ལ། རིམ་བསགས་ཀྱིས་ནད་པ་དྲུག་ཅུར་འཕར་ཡོད། མིག་སྔའི་བར་དུ་ཨ་མེ་རི་ཁ་ནས་ནད་ངོས་འཛིན་བྱས་པའི་ནད་པའི་ཁྲོད། ནད་པ་ཞེ་གཉིས་ནི་འཇར་པན་གྱི་གནས་སྐོར་གྲུ་གཟིངས་སྟེང་ནས་ཕྱིར་འཐེན་བྱེད་པའི་ཨ་མེ་རི་ཁའི་མི་ཡིན་པ་དང་། མི་གསུམ་ནི་ཀྲུང་གོའི་ཝུའུ་ཧན་ནས་ཕྱིར་ཡོང་བའི་ཨ་མེ་རི་ཁའི་མི་རེད། ནད་པ་བཅོ་ལྔ་ནི་ཨ་མེ་རི་ཁ་ས་ཁོངས་རང་གི་ངོས་འཛིན་བྱས་པའི་ནད་པ་རེད་ཟེར། །

རྩོམ་སྒྲིག་པ། : ཚེ་མཁར་རྒྱལ།