ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། ཨ་མེ་རི་ཁའི་ཙུང་ཐུང་ཐི་ལིང་ཕུའུ་ཡིས་ཟླ་བཞི་བའི་ཚེས་ཉེར་དགུའི་ཉིན་ཐུར་ཁེའི་ཙུང་ཐུང་ཨེ་ཨར་ཏའོ་ཨན་ལ་ཁ་པར་བཏང་སྟེ། ཐུར་ཁེ་ཡིས་ཨུ་རུ་སི་ནས་མཁའ་སྲུང་འཕུར་མདའི་མ་ལག་ཉོ་བསྡུ་བྱེད་པ་དང་སི་རི་ཡཱ་སོགས་ཀྱི་གནད་དོན་ལ་གྲོས་བསྡུར་བྱས།
ཨ་མེ་རི་ཁའི་ཕོ་བྲང་དཀར་པོས་ཉིན་དེར་གསལ་སྒྲོག་སྤེལ་ཏེ་བཤད་རྒྱུར། ཐི་ལིང་ཕུའུ་དང་ཨེ་ཨར་ཏའོ་ཨན་གཉིས་ཀྱིས་ཨ་མེ་རི་ཁ་དང་ཐུར་ཁེའི་སི་རི་ཡཱའི་བྱང་ཕྱོགས་ས་ཁུལ་གྱི་བདེ་འཇགས་སེམས་ཁུར་དང་། ཐུར་ཁེ་ཡིས་ཨུ་རུ་སི་ནས་མཁའ་སྲུང་འཕུར་མདའི་མ་ལག་ཉོ་བསྡུ་བྱེད་པའི་གནད་དོན་ཐད་ཀྱི་གྲོས་མོལ་གྲུབ་འབྲས་སོགས་ལ་གྲོས་བསྡུར་བྱས་ཟེར།
གསལ་སྒྲོག་ལས་བཤད་རྒྱུར། ཕྱོགས་གཉིས་ཀྱིས་ད་རུང་ཕན་ཚུན་བར་གྱི་ཉོ་ཚོང་སོགས་གནད་དོན་ལའང་གྲོས་བསྡུར་བྱས་ཡོད་ཟེར།