ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། དབྱི་རག་གི་ཁུའུ་ཨར་ཏི་རང་སྐྱོང་ས་ཁུལ་གྱིས་རང་བཙན་བྱེད་པར་དམངས་ཀྱིས་བརྡས་ཐག་གཅོད་པའི་བྱ་འགུལ་ཚེས་ཉེར་ལྔ་ཉིན་སྤེལ་བ་དང་། ས་ཁུལ་དེར་བཙུགས་པའི་འདེམ་ཤོག་འཕེན་ས་སོ་སོ་སྔ་དྲོའི་དུས་ཚོད་བརྒྱད་སྟེང་དངོས་སུ་སྒོ་འབྱེད་བྱས་ཡོད། ཐུར་ཁེ་ཡིས་དབྱི་རག་གི་ཁུའུ་ཨར་ཏི་སི་ཐན་བར་གྱི་མཐའ་མཚམས་བཀག་སྡོམ་བྱས་ཏེ་ཐེངས་འདིའི་རང་བཙན་བྱེད་པར་དམངས་ཀྱིས་བརྡས་ཐག་གཅོད་པའི་བྱ་འགུལ་ལ་རྒོལ་ལན་སྤྲོད་པའི་འཆར་གཞི་ཡོད།
ཐུར་ཁེའི་ཙུང་ཐུང་ཨེ་ཨར་ཏའོ་ཨན་གྱིས་བསྟན་དོན། ཨན་ཁཱ་ལཱ་ཡིས་དབྱི་རག་ཁུའུ་ཨར་ཏི་རང་སྐྱོང་ས་ཁུལ་བར་གྱི་འབྲེལ་མཚམས་བཀག་སྡོམ་བྱེད་རྒྱུ་མ་ཟད། གནས་སྐབས་སུ་རང་སྐྱོང་ས་ཁུལ་དེའི་རྡོ་སྣུམ་རང་གི་མངའ་ཁོངས་བརྒྱུད་ནས་འདྲེན་མཚམས་བཞག་སྟེ། ས་ཁུལ་དེས་སྤེལ་བའི་རང་བཙན་བྱེད་པར་དམངས་ཀྱིས་བརྡས་ཐག་གཅོད་པའི་བྱ་འགུལ་ལ་རྒོལ་ལན་སྤྲོད་རྒྱུའི་འཆར་གཞི་ཡོད་ཟེར། །