བདེ་འཇགས་ལས་འཛིན་ལྷན་ཚོགས་ཀྱིས་དབྱི་སི་རལ་གྱི་གཏན་སྡོད་ཁུལ་གྱི་གནད་དོན་དང་འབྲེལ་བའི་གྲོས་ཆོད་ལ་གྲོས་མཐུན་བཀོད།

ཞིན་ཧྭ་གསར་འགྱུར་ཁང་གི་གློག་འཕྲིན་ལྟར།  མཉམ་འབྲེལ་རྒྱལ་ཚོགས་བདེ་འཇགས་ལས་འཛིན་ལྷན་ཚོགས་ཀྱིས་ཚེས་ཉེར་གསུམ་ཉིན་དབྱི་སི་རལ་གྱི་གཏན་སྡོད་ཁུལ་གྱི་གནད་དོན་དང་འབྲེལ་བའི་གྲོས་ཆོད་ལ་གྲོས་མཐུན་བཀོད་དེ། དབྱི་སི་རལ་གྱིས་ཕཱ་ལེ་སི་ཐན་གྱི་བཙན་བཟུང་བྱས་པའི་མངའ་ཁོངས་སུ་གཏན་སྡོད་ཁུལ་འཛུགས་སྐྲུན་བྱེད་པའི་བྱ་འགུལ་དེ་རྒྱལ་སྤྱིའི་བཅའ་ཁྲིམས་དང་འགལ་ཡོད་པ་བསྐྱར་སྒྲོག་བྱས་པ་དང་། དབྱི་སི་རལ་གྱིས་གཏན་སྡོད་ཁུལ་དང་འབྲེལ་བའི་བྱ་འགུལ་ཡོད་ཚད་མཚམས་འཇོག་དགོས་པའི་སྐུལ་མ་བཏང་།