ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། ཚེས་9ཉིན་ཀྲུང་གོའི་སྲིད་གཞུང་དྲ་བའི་ཐོག《རྒྱལ་ཡོངས་སྡེ་ཁུལ་འཛུགས་སྐྲུན་དབར་མཉམ་འབྲེལ་གྲོས་ཚོགས་ལམ་ལུགས་འཛུགས་རྒྱུར་མོས་མཐུན་བྱ་རྒྱུའི་སྐོར་གྱི་རྒྱལ་སྲིད་སྤྱི་ཁྱབ་ཁང་གི་ཆོག་མཆན》ཁྱབ་བསྒྲགས་བྱས་ཤིང་།ཆོག་མཆན་ནང་དམངས་སྲིད་པུས་སྣེ་ཁྲིད་པའི་རྒྱལ་ཡོངས་སྡེ་ཁུལ་འཛུགས་སྐྲུན་དབར་མཉམ་འབྲེལ་གྲོས་ཚོགས་ལམ་ལུགས་འཛུགས་རྒྱུ་མོས་མཐུན་བྱས་ཡོད་ཅེས་བསྟན་ཡོད།
ཀྲུང་གོའི་སྲིད་གཞུང་དྲ་བའི་ཐོག་ཁྱབ་བསྒྲགས་བྱས་པའི་ནང་དོན་གཞིར་བཟུང་།མཉམ་འབྲེལ་གྲོས་ཚོགས་འཛུགས་རྒྱུའི་དམིགས་ཡུལ་ནི་རྒྱལ་ཡོངས་ཀྱི་སྡེ་ཁུལ་འཛུགས་སྐྲུན་ལས་དོན་སྒྲིག་འཛུགས་དང་འགོ་ཁྲིད་ལ་ཤུགས་སྣོན་རྒྱག་པ་དང་སྡེ་ཚན་དབར་གྱི་མཐུན་སྦྱོར་གཞོགས་འདེགས་ལ་ཤུགས་སྣོན་བརྒྱབ་ནས་སྡེ་ཁུལ་འཛུགས་སྐྲུན་ལས་དོན་ཏན་ཏིག་སྒྲུབ་རྒྱུ་དེ་ཡིན།
མཉམ་འབྲེལ་གྲོས་ཚོགས་ཀྱི་འགན་ནུས་གཙོ་བོ་ནི་སྡེ་ཁུལ་འཛུགས་སྐྲུན་གྱི་བྱེད་ཕྱོགས་སྲིད་ཇུས་དང་འབྲེལ་ཡོད་ཚོགས་འདུའི་སྐོར་གྱི་ཏང་ཀྲུང་དབྱང་དང་རྒྱལ་སྲིད་སྤྱི་ཁྱབ་ཁང་གི་དགོངས་དོན་དང་།སྡེ་ཁུལ་འཛུགས་སྐྲུན་ལས་དོན་གྱི་གནས་ཚུལ་དང་གནད་དོན་གསར་པར་དབྱེ་ཞིབ་ཞིབ་འཇུགའབྲེལ་ཡོད་གནད་དོན་གལ་ཆེན་མཐུན་སྦྱོར་ཐག་གཅོད།མཛུབ་ཁྲིད་བསམ་འཆར་འདོན་རྒྱུ་བཅས་ཚུད་ཡོད།
གྲོང་ཁྱེར་དང་གྲོང་གསེབ་ཀྱི་གཞི་རིམ་སྲིད་དབང་འཛུགས་སྐྱོང་གི་མཛུབ་ཁྲིད་ལ་ཤུགས་སྣོན་བརྒྱབ་སྟེ་གཞི་རིམ་སྲིད་འཛིན་དོ་དམ་ལ་སྐུལ་འདེད་གཏོང་རྒྱུ་དེ་གཞི་རིམ་མང་ཚོགས་ཀྱི་རང་སྐྱོང་དང་ཟུང་འབྲེལ་བྱེད་དགོས་པ་དང་།གྲོང་ཚོའི（གྲོང་ལྷན）ལས་དོན་ཡོངས་བསྒྲགས་ལ་སྐུལ་འདེད་བཏང་ནས་མང་ཚོགས་ཀྱི་གནས་ཚུལ་ཤེས་དབང་དང་།དེའི་ནང་ཞུགས་དབང་།ལྟ་སྐུལ་བྱེད་དབང་བཅས་འགན་ལེན་གང་ལེགས་བྱེད་དགོས་པ།འབྲེལ་ཡོད་སྡེ་ཚན་དང་མཐུན་སྦྱོར་བྱས་ཏེ་སྡེ་ཁུལ་འཛུགས་སྐྱོང་གི་འབྲེལ་ཡོད་སྲིད་ཇུས་བྱེད་ཐབས་དོན་འཁྱོལ་བྱ་རྒྱུར་དམ་འཛིན་ཡག་པོ་བྱེད་པ་དང་སྡེ་ཁུལ་ཕྱོགས་བསྡུས་ཞབས་ཞུའི་དོ་དམ་ཆ་འཕྲིན་སྟེགས་བུ་བསྐྲུན་རྒྱུ་དང་སྤྱོད་རྒྱུར་སྐུལ་འདེད་བཏང་ནས་སྡེ་ཁུལ་གྱི་སྤྱི་པའི་ཞབས་ཞུའི་ཐོན་ཁུངས་བསྡུ་སྒྲིལ་དང་སྡེ་ཁུལ་གྱི་སྤྱི་པའི་ཞབས་ཞུ་གཅིག་འདོམས་བྱེད་དགོས་པ།ས་གནས་ཁག་གི་སྡེ་ཁུལ་འཛུགས་སྐྲུན་ལས་དོན་གྱི་ལྟ་སྐུལ་ཞིབ་བཤེར་ལ་ཤུགས་སྣོན་བརྒྱབ་སྟེ་ཏང་ཀྲུང་དབྱང་དང་རྒྱལ་སྲིད་སྤྱི་ཁྱབ་ཁང་ལ་སྡེ་ཁུལ་འཛུགས་སྐྲུན་ལས་དོན་གྱི་གནས་ཚུལ་དང་དེ་བཞིན་འབྲེལ་ཡོད་གནད་དོན་གལ་ཆེན་སྙན་སེང་ཞུས་ཏེ་གྲོང་ཁྱེར་དང་གྲོང་གསེབ་ཀྱི་སྡེ་ཁུལ་འཛུགས་སྐྲུན་ལས་དོན་ལ་སྐུལ་འདེད་གཏོང་དགོས་ཞེས་བསྟན་ཡོད།
