རྒྱལ་ཁབ་ཀྱི་ཀྲུའུ་ཞི་ཞི་ཅིན་ཕེན་གྱིས་ཚེས་བཅུ་ཉིན་མི་དམངས་ཚོགས་ཁང་ཆེན་མོའི་ནང་སྐོར་ཐེངས་དྲུག་པའི་ཀྲུང་གོ་དང་ཨ་མེ་རི་ཁའི་འཐབ་ཇུས་དང་དཔལ་འབྱོར་གྲོས་མོལ་དང་སྐོར་ཐེངས་ལྔ་བའི་ཀྲུང་གོ་དང་ཨ་མེ་རི་ཁའི་མི་གཞུང་བརྗེ་རེས་ཀྱི་མཐོ་རིམ་གྲོས་མོལ་ལ་ཞུགས་པའི་ཨ་མེ་རི་ཁའི་རྒྱལ་སྲིད་བློན་ཆེན་ཁི་ལིས་དང་ནོར་སྲིད་པུའུ་ཀྲང་ཡ་ཀི་པུའུ•ལུའུ་སོགས་ཨ་མེ་རི་ཁ་ཕྱོགས་ཀྱི་འཐུས་ཚབ་ཚོགས་པའི་ཁོངས་མི་ལ་མཇལ་འཕྲད་གནང་།
ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། རྒྱལ་ཁབ་ཀྱི་ཀྲུའུ་ཞི་ཞི་ཅིན་ཕེན་གྱིས་ཚེས་བཅུ་ཉིན་མི་དམངས་ཚོགས་ཁང་ཆེན་མོའི་ནང་སྐོར་ཐེངས་དྲུག་པའི་ཀྲུང་གོ་དང་ཨ་མེ་རི་ཁའི་འཐབ་ཇུས་དང་དཔལ་འབྱོར་གྲོས་མོལ་དང་སྐོར་ཐེངས་ལྔ་བའི་ཀྲུང་གོ་དང་ཨ་མེ་རི་ཁའི་མི་གཞུང་བརྗེ་རེས་ཀྱི་མཐོ་རིམ་གྲོས་མོལ་ལ་ཞུགས་པའི་ཨ་མེ་རི་ཁའི་རྒྱལ་སྲིད་བློན་ཆེན་ཁི་ལིས་དང་ནོར་སྲིད་པུའུ་ཀྲང་ཡ་ཀི་པུའུ•ལུའུ་སོགས་ཨ་མེ་རི་ཁ་ཕྱོགས་ཀྱི་འཐུས་ཚབ་ཚོགས་པའི་ཁོངས་མི་ལ་མཇལ་འཕྲད་གནང་།
མཇལ་འཕྲད་གནང་སྐབས་ཞི་ཅིན་ཕེན་གྱིས་གསུངས་རྒྱུར། སྐོར་ཐེངས་དྲུག་པའི་ཀྲུང་གོ་དང་ཨ་མེ་རི་ཁའི་འཐབ་ཇུས་དང་དཔལ་འབྱོར་གྲོས་མོལ་དང་སྐོར་ཐེངས་ལྔ་བའི་ཀྲུང་གོ་དང་ཨ་མེ་རི་ཁའི་མི་གཞུང་བརྗེ་རེས་ཀྱི་མཐོ་རིམ་གྲོས་མོལ་ཐད་ནས་གྲུབ་འབྲས་མངོན་གསལ་ཐོབ་པར་མ་ཟད་ཀྲུང་གོ་དང་ཨ་མེ་རི་ཁའི་འབྲེལ་བ་ལེགས་བཅོས་དང་འཕེལ་རྒྱས་སུ་གཏོང་བར་ནུས་པ་གལ་ཆེན་བཏོན། ཕྱོགས་གཉིས་ཀྱིས་བླངས་པའི་གྲུབ་འབྲས་དངོས་འབེབས་བྱས་ནས་རྒྱལ་ཁབ་གཉིས་དང་རྒྱལ་ཁབ་གཉིས་ཀྱི་མི་དམངས་ལ་སྔ་མོ་ནས་ཁེ་ཕན་བཟང་བོ་སྐྲུན་དགོས། ཕྱོགས་གཉིས་ཀྱིས་གཙོ་བོ་ཕྱོགས་འགའི་བྱ་བ་བཟང་བོར་བསྒྲུབ་དགོས། གཅིག འབྲེལ་འདྲིས་དང་བརྗེ་རེས་ལ་ཤུགས་སྣོན་དགོས། གཉིས། མཉམ་ལས་ལ་སྐུལ་འདེད་གཏོང་དགོས། གསུམ། དཀའ་ངལ་སྣ་ཚོགས་ཇེ་ཉུང་དུ་གཏོང་དགོས་ཟེར།
ཁི་ལིས་དང་ཡ་ཀི་པུའུ•ལུའུ་གཉིས་ཀྱིས་བཤད་རྒྱུར། ཨ་མེ་རི་ཁ་ཕྱོགས་ཀྱིས་ཀྲུང་གོའི་ཕྱོགས་ཡོངས་ཀྱི་བཅོས་སྒྱུར་ཟབ་སྤེལ་ལ་རྒྱབ་སྐྱོར་བྱེད་པ་དང་། ཀྲུང་གོའི་དཔལ་འབྱོར་རྒྱུན་མཐུད་སྒོས་འཕེལ་རྒྱས་སུ་འགྲོ་བ་དེ་ཨ་མེ་རི་ཁར་ཕན་པ་ཆེན་པོ་ཡོད། ཨ་མེ་རི་ཁ་ཕྱོགས་ཀྱིས་ཀྲུང་གོ་ཕྱོགས་ཀྱི་གྲོས་མོལ་ལ་ཤུགས་སྣོན་པ་དང་། ཕྱོགས་གཉིས་བར་གྱི་དངུལ་གཏོང་གྲོས་མཐུན་སྔ་མོ་ནས་འགོད་པར་འབད་བརྩོན་བྱས་ཏེ་རྒྱལ་ཁབ་གཉིས་ཀྱི་དཔལ་འབྱོར་གྲོགས་པོའི་འབྲེལ་བ་འཕེལ་རྒྱས་སུ་གཏོང་འདོད་ཡོད་ཟེར། །
