ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། ཏང་ཀྲུང་དབྱང་དང་ཀྲུང་དབྱང་དམག་དོན་ཨུ་ཡོན་ལྷན་ཁང་གིས་ཏང་གི་མང་ཚོགས་ལམ་ཕྱོགས་སློབ་གསོ་ལག་ལེན་བྱ་འགུལ་གཏིང་ཟབ་ཏུ་སྤེལ་བའི་བཀོད་སྒྲིག་ལྟར། ཀྲུང་གུང་ཀྲུང་དབྱང་ཆབ་སྲིད་ཅུའུ་ཡི་ཨུ་ཡོན། ཀྲུང་དབྱང་དམག་དོན་ཨུ་ཡོན་ལྷན་ཁང་གི་ཀྲུའུ་ཞི་གཞོན་པ་ཧྥན་ཁྲང་ལུང་དང་ཀྲུང་གུང་ཀྲུང་དབྱང་ཆབ་སྲིད་ཅུའུ་ཡི་ཨུ་ཡོན། ཀྲུང་དབྱང་དམག་དོན་ཨུ་ཡོན་ལྷན་ཁང་གི་ཀྲུའུ་ཞི་གཞོན་པ་ཞུའུ་ཆི་ལེང་། ཀྲུང་དབྱང་དམག་དོན་ཨུ་ཡོན་ལྷན་ཁང་གི་ཨུ་ཡོན། རྒྱལ་སྲིད་ཨུ་ཡོན་ཞོར་དུ་རྒྱལ་སྲུང་པུའུ་ཀྲང་གི་འགན་འཁུར་མཁན་ཁྲང་བན་ཆོན། ཀྲུང་དབྱང་དམག་དོན་ཨུ་ཡོན་ལྷན་ཁང་གི་ཨུ་ཡོན་ཧྥང་ཧྥུན་ཧོས་སོགས་ཉེ་ལམ་རང་རང་གི་སྐོར་ཐེངས་གཉིས་པའི་སློབ་གསོ་ལག་ལེན་བྱ་འགུལ་གྱི་འབྲེལ་འདྲིས་བྱེད་སར་སོང་ནས་ཏང་ཨུའི་ཆེད་དོན་དམངས་གཙོ་འཚོ་བའི་ཚོགས་འདུ་ལ་ཞུགས་ནས་མཛུབ་སྟོན་བྱས་པར་མ་ཟད་ཡུན་རིང་ལ་རྒྱུན་འཁྱོངས་དང་དུས་རྒྱུན་ཏུ་བཅོས་སྐྱོང་བྱེད་པ་དང་། སྤྱོད་ཚུལ་འཛུགས་སྐྲུན་བྱ་བ་དམ་འཛིན་བྱས་ནས་མུ་མཐུད་དུ་སློབ་གསོ་ལག་ལེན་བྱ་འགུལ་གྱི་གྲུབ་འབྲས་སྲ་བརྟན་དུ་གཏོང་དགོས་ཞེས་ནན་གྱིས་བསྟན།
ཀྲུང་དབྱང་དམག་དོན་ཨུ་ཡོན་ལྷན་ཁང་གི་མགོ་ཁྲིད་པས་བསྟན་དོན། ཀྲུའུ་ཞི་ཞི་ཅིན་ཕེན་གྱིས་དམག་དཔུང་གི་སྤྱོད་ཚུལ་འཛུགས་སྐྲུན་ལ་ཧ་ཅང་མཐོང་ཆེན་བྱེད་ཀྱིན་ཡོད་པར་མ་ཟད་ཐེངས་མང་པོར་མཛུབ་སྟོན་གལ་ཆེན་གནང་སྟེ་ཚད་གཞི་སྔར་ལས་མཐོ་ཞིང་ཀུན་གྱི་མདུན་གྲས་སུ་སྐྱོད་དགོས་ཞེས་ནན་གྱིས་བསྟན་ཡོད་པས། རིམ་པ་སོ་སོས་ངོས་ཟིན་སྔར་ལས་ཇེ་མཐོར་གཏོང་བ་དང་གོང་འོག་དམ་དུ་སྦྲེལ་ནས་མདུན་གྲས་སུ་སྐྱོད་པའི་ཚད་གཞི་དང་རེ་བ་དངོས་འབེབས་བཟང་བོ་བྱེད་པ་ལས་གཏན་ནས་ལྷོད་གཡེང་དུ་གཏོང་མི་རུང་ཟེར། །
