མདུན་ཤོག- གསར་འགྱུར།- རྒྱལ་ནང་ཐོས་གནད།

ལིས་ཁི་ཆང་གིས་མཉམ་འབྲེལ་རྒྱལ་ཚོགས་ཁོར་ཡུག་འཆར་འགོད་ཧྲུའུ་ཡི་ལག་བསྟར་ཀྲུའུ་རིན་ཧྲི་ཐའེ་ན་དང་མི་སྡོད་ཧྲུའུ་ཡི་ལག་བསྟར་ཀྲུའུ་རིན་ཁི་ལོ་སི་གཉིས་ལ་མཇལ་འཕྲད་གནང་།

  ཡོང་ཁུངས། མཚོ་སྔོན་བོད་སྐད་རླུང་འཕྲིན།  2014-05-11 10:24

李克强会见联合国环境规划署执行主任施泰纳和人居署执行主任克洛斯.jpg

  ཟླ་ལྔ་བའི་ཚེས་བཅུ་ཉིན། རྒྱལ་སྲིད་སྤྱི་ཁྱབ་ཁང་གི་ཙུང་ལི་ལིས་ཁི་ཆང་གིས་ནེ་རོ་པི་ནས་མཉམ་འབྲེལ་རྒྱལ་ཚོགས་ཁོར་ཡུག་འཆར་འགོད་ཧྲུའུ་ཡི་ལག་བསྟར་ཀྲུའུ་རིན་ཧྲི་ཐའེ་ན་དང་མི་སྡོད་ཧྲུའུ་ཡི་ལག་བསྟར་ཀྲུའུ་རིན་ཁི་ལོ་སི་གཉིས་ལ་མཇལ་འཕྲད་གནང་།

  ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། རྒྱལ་སྲིད་སྤྱི་ཁྱབ་ཁང་གི་ཙུང་ལི་ལིས་ཁི་ཆང་གིས་ས་དེའི་དུས་ཚོད་ཚེས་བཅུ་ཉིན་གྱི་ཕྱི་དྲོར་ནེ་རོ་པི་ནས་མཉམ་འབྲེལ་རྒྱལ་ཚོགས་ཁོར་ཡུག་འཆར་འགོད་ཧྲུའུ་ཡི་ལག་བསྟར་ཀྲུའུ་རིན་ཧྲི་ཐའེ་ན་དང་མི་སྡོད་ཧྲུའུ་ཡི་ལག་བསྟར་ཀྲུའུ་རིན་ཁི་ལོ་སི་གཉིས་ལ་མཇལ་འཕྲད་གནང་།

  ལིས་ཁི་ཆང་གིས་མཉམ་འབྲེལ་རྒྱལ་ཚོགས་ཁོར་ཡུག་འཆར་འགོད་ཧྲུའུ་དང་མི་སྡོད་ཧྲུའུ་གཉི་ཀས་དུས་ཡུན་རིང་བོར་རྒྱལ་སྤྱིའི་ཁོར་ཡུག་ལ་སྐུལ་འདེད་གཏོང་བ་དང་དམངས་འཚོ་ལས་དོན་འཕེལ་རྒྱས་སུ་གཏོང་བའི་ཐད་ལ་བྱས་རྗེས་བཞག་པར་གདེང་འཇོག་གང་ལེགས་དང་གཟེངས་བསྟོད་མཛད། ལིས་ཁི་ཆང་གིས་གསུངས་རྒྱུར། ཀྲུང་གོ་མཉམ་འབྲེལ་རྒྱལ་ཚོགས་ཁོར་ཡུག་འཆར་འགོད་ཧྲུའུ་དང་མི་སྡོད་ཧྲུའུ་གཉིས་ཀྱི་ཁོངས་མི་ཡིན་པའི་ཆ་ནས་དུས་དང་རྣམ་པ་ཀུན་དུ་ཁོར་ཡུག་འཆར་འགོད་ཧྲུའུ་དང་མི་སྡོད་ཧྲུའུ་ཡི་བྱ་བར་རྒྱབ་སྐྱོར་བྱས་པར་མ་ཟད། ཁོར་ཡུག་འཆར་འགོད་ཧྲུའུ་དང་མི་སྡོད་ཧྲུའུ་གཉིས་བར་ཡོངས་ཁྱབ་ཏུ་ཕན་འབྲས་ལྡན་པའི་མཉམ་ལས་སྤེལ། ཀྲུང་གོ་ཕྱོགས་ཀྱིས་མུ་མཐུད་དུ་ལྷད་མེད་འཕེལ་རྒྱས་ལ་སྐུལ་འདེད་གཏོང་བ་དང་། ཁོར་ཡུག་དོ་དམ་ནུས་པ་ཇེ་ཆེར་གཏོང་བ། ཁོར་ཡུག་སྲུང་སྐྱོབ་དང་ནམ་ཟླ་འགྱུར་ལྡོག་ལ་ཁ་གཏད་འཇལ་བའི་འཕེལ་རྒྱས་སུ་འགྲོ་བཞིན་པའི་རྒྱལ་ཁབ་བར་གྱི་མཉམ་ལས་ལ་སྐུལ་འདེད་གཏོང་བ་སོགས་འཐབ་ཇུས་གནད་དོན་ལ་དམ་པོར་དམིགས་ཏེ། ཁོར་ཡུག་འཆར་འགོད་ཧྲུའུ་དང་མི་སྡོད་ཧྲུའུ་གཉིས་བར་གྱི་བརྗེ་རེས་དང་མཉམ་ལས་གཏིང་ཟབ་ཏུ་སྤེལ་འདོད་ཡོད་ཟེར།

  ཧྲི་ཐའེ་ན་ཡིས་མཉམ་འབྲེལ་རྒྱལ་ཚོགས་ཁོར་ཡུག་འཆར་འགོད་ཧྲུའུ་ཡིས་ཀྲུང་གོ་ཕྱོགས་ཀྱིས་དུས་ཡུན་རིང་བོར་རྒྱབ་སྐྱོར་དང་རོགས་རམ་བྱས་པར་བཀའ་དྲིན་ཞུས་པར་མ་ཟད། ཀྲུང་གོ་ཕྱོགས་ཀྱི་མཉམ་ལས་ལ་མུ་མཐུད་དུ་ཤུགས་སྣོན་འདོད་ཡོད་ཟེར།

  ཁི་ལོ་སི་ཡིས་ཀྲུང་གོ་མཉམ་འབྲེལ་རྒྱལ་ཚོགས་མི་སྡོད་ཧྲུའུའི་ལག་བསྟར་ལས་འཛིན་ཚོགས་པའི་ཁོངས་མིར་གྱུར་བར་དགའ་བསུ་ཞུས་པར་མ་ཟད། ཨ་ཧྥེ་རི་ཁ་གླིང་དང་འཛམ་གླིང་གི་འཕེལ་རྒྱས་ཐད་ལ་བྱས་རྗེས་སྔར་ལས་ཆེན་པོ་འཇོག་པར་རེ་བ་བྱེད་བཞིན་ཡོད་པའི་ཚུལ་བསྟན།  །

པར་དབང་གསལ་བསྒྲགས།      ངེད་ཀྱི་སྐོར།      འབྲེལ་གཏུགས་བྱེད་ཚུལ།

གློག་འཕྲིན་ཡིག་སྒམ། tibet3@126.com    ཁ་པར། 0971-8455441

©2006-2013 China Tibetannet Corporation པར་དབང་ངེད་དྲ་བར་དབང་བས་ཆོག་མཆན་མ་ཐོབ་པར་གཞན་གྱིས་རང་དགར་སྤྱོད་མི་ཆོག