མདུན་ཤོག- གསར་འགྱུར།- རྒྱལ་ནང་ཐོས་གནད།

ཞི་ཅིན་ཕེན་གྱིས་མི་དམངས་ཀྱི་ཚེ་སྲོག་བདེ་འཇགས་གོ་གནས་དང་པོར་འཇོག་དགོས་ཞེས་བསྟན་པ།

  ཡོང་ཁུངས། མཚོ་སྔོན་བོད་སྐད་རླུང་འཕྲིན།  2013-06-08 10:40

ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། ཉེ་བའི་དུས་སྐབས་ཤིག་གི་ནང་དུ་རྒྱལ་ཡོངས་ཀྱི་ས་ཁུལ་སོ་སོ་ནས་འཕྲོ་རིམ་འཕྲོར་བདེ་འཇགས་ཐོན་སྐྱེད་ཀྱི་དོན་རྐྱེན་ཚབས་ཆེན་མང་པོ་བྱུང་ནས། མི་སྣ་ཤི་རྨས་དང་རྒྱུ་ནོར་ཐད་ནས་གྱོང་གུད་ཆེན་པོ་བཟོས། ཕྱི་རྒྱལ་དུ་འཚམས་འདྲི་མཛད་བཞིན་པའི་ཀྲུང་གུང་ཀྲུང་དབྱང་གི་སྤྱི་ཁྱབ་ཧྲུའུ་ཅི། རྒྱལ་ཁབ་ཀྱི་ཀྲུའུ་ཞི། ཀྲུང་དབྱང་དམག་དོན་ཨུ་ཡོན་ལྷན་ཁང་གི་ཀྲུའུ་ཞི་ཞི་ཅིན་ཕེན་གྱིས་དོན་དག་དེར་མཐོང་ཆེན་ཚད་མཐོན་པོ་གནང་ཏེ། སྤྱི་ཟླ6པའི་ཚེས6ཉིན་བདེ་འཇགས་ཐོན་སྐྱེད་བྱ་བ་བཟང་བོར་སྒྲུབ་དགོས་པའི་ཐད་ལ་ཡང་བསྐྱར་མཆན་བཀོད་མཛུབ་སྟོན་གལ་ཆེན་གནང་།

ཞི་ཅིན་ཕེན་གྱིས་བསྟན་དོན། འཕྲོ་རིམ་འཕྲོར་བྱུང་བའི་བདེ་འཇགས་ཐོན་སྐྱེད་ཀྱི་དོན་རྐྱེན་ཚབས་ཆེན་བྱུང་ནས། མི་སྣ་ཤི་རྨས་དང་རྒྱུ་ནོར་ལ་གྱོང་གུད་ཚབས་ཆེན་ཐེབས་པས། ངེས་པར་དུ་བྱ་བ་དེར་མཐོང་ཆེན་ཚད་མཐོན་པོི་བྱེད་དགོས། མིའི་ཚེ་སྲོག་གི་རིན་ཐང་བཏང་ནས་འཕེལ་རྒྱས་སུ་གཏོང་བའི་བྱ་བ་གཏན་ནས་སྒྲུབ་མི་རུང་ཞེས་གསུང་།

ཞི་ཅིན་ཕེན་གྱིས་རྒྱལ་སྲིད་སྤྱི་ཁྱབ་ཁང་གི་འབྲེལ་ཡོད་སྡེ་ཁག་སོ་སོར་དོན་རྐྱེན་དེ་དག་དང་དེ་དག་འབྱུང་རྐྱེན་གྱི་གནས་ཚུལ་ས་ཁུལ་དང་སྡེ་ཁག་སོ་སོར་ཁྱབ་བསྒྲགས་བྱས་ཏེ། ཚང་མས་སྔར་ལས་ལྷག་པའི་སྒོ་ནས་དོགས་ཟོན་མཐོར་འདེགས་དང་བསླབ་བྱ་དང་དུ་བླངས་ནས། བསམ་བློ་མང་པོ་གཏོང་དགོས་པ་དང་། བདེ་འཇགས་ཐོན་སྐྱེད་ཐད་ལ་རྩ་བ་ནས་ཞིབ་བཤེར་ཆེན་མོ་བྱེད་པའི་བྱ་འགུལ་ཐེངས་ཤིག་སྤེལ་ནས་བདེ་འཇགས་ཐད་ཀྱི་བྱ་བ་བཟང་བོར་སྒྲུབ་དགོས་བའི་རེ་བ་བཏོན། ཞི་ཅིན་ཕེན་གྱིས་ནན་གྱིས་བསྟན་དོན། ནམ་ཡིན་ཡང་མི་དམངས་ཀྱི་ཚེ་སྲོག་བདེ་འཇགས་དེ་གོ་གནས་དང་པོར་བཞག་ནས། ཏང་དང་མི་དམངས་ལ་ཧ་ཅང་འགན་འཁུར་བའི་བསམ་པ་བཅངས་ནས། ལམ་ལུགས་འཐུས་ཚང་དང་འགན་འཁྲི་ཇེ་དྲག་ཏུ་གཏོང་བ། དོ་དམ་བྱ་བར་ཤུགས་སྣོན་པ། གཟབ་ནན་གྱིས་ལྟ་རྟོག་བྱེད་པ། བདེ་འཇགས་ཐོན་སྐྱེད་ཀྱི་འགན་འཁུར་ལམ་ལུགས་དོན་ཐོག་ཏུ་འཁྱོལ་བར་བཅས་བྱས་ནས། བདེ་འཇགས་ཐོན་སྐྱེད་ཐད་ནས་དོན་རྐྱེན་འབྱུང་བར་སྔོན་འགོག་བྱེད་དགོས་ཞེས་གསུང་།  །

པར་དབང་གསལ་བསྒྲགས།      ངེད་ཀྱི་སྐོར།      འབྲེལ་གཏུགས་བྱེད་ཚུལ།

གློག་འཕྲིན་ཡིག་སྒམ། tibet3@126.com    ཁ་པར། 0971-8455441

©2006-2013 China Tibetannet Corporation པར་དབང་ངེད་དྲ་བར་དབང་བས་ཆོག་མཆན་མ་ཐོབ་པར་གཞན་གྱིས་རང་དགར་སྤྱོད་མི་ཆོག