ཀྲུང་གོ་བོད་ཀྱི་དྲ་བ།

ཧུའུ་པེ་ཞིང་ཆེན་གྱི་དམངས་སྤྱོད་མཁའ་འགྲུལ་གྱི་དུས་གཏན་གནམ་གྲུ་རིམ་བཞིན་སླར་གསོ་བྱས་པ།

ཡོང་ཁུངས། : མི་དམངས་ཉིན་རེའི་ཚགས་པར།     སྤེལ་དུས། : 2020-03-30
ཡིག་གཟུགས། :ཆུང་། འབྲིང་། ཆེ།

ཞིན་ཧྭ་གསར་འགྱུར་ཁང་གི་གློག་འཕྲིན་ལྟར།  ཚེས27ཉིན་གྱི་དགོང་མོ། ཀྲུང་གོ་དམངས་སྤྱོད་མཁའ་འགྲུལ་ཅུས་ཀྱིས་བརྡ་ཐོ་བཏང་སྟེ། ཟླ3ཚེས29ཉིན་གྱི་ཆུ་ཚོད00:00ནས་བཟུང་ཧུའུ་པེ་ཞིང་ཆེན་གྱི་ཝུའུ་ཧན་ཐེན་ཧོ་གནམ་ཐང་ཕུད་པའི་གནམ་ཐང་གཞན་དག་གི་རྒྱལ་ནང་གི་འགྲུལ་སྐྱེལ་དུས་གཏན་གནམ་གྲུ་སླར་གསོ་བྱས་པ་དང་། ཟླ4པའི་ཚེས8ཉིན་གྱི་ཆུ་ཚོད00:00ནས་བཟུང་ཝུའུ་ཧན་ཐེན་ཧོ་གནམ་ཐང་གི་རྒྱལ་ནང་གི་འགྲུལ་སྐྱེལ་དུས་གཏན་གནམ་གྲུ་སླར་གསོ་བྱ་རྒྱུ་ཡིན་པ་རེད།

ཧུའུ་པེ་ཞིང་ཆེན་གྱི་གནམ་ཐང་ཁག་གི་ཟོག་སྐྱེལ་དུས་གཏན་གནམ་གྲུ་ཡང་ཟླ3པའི་ཚེས29ཉིན་སླར་གསོ་བྱས་ཡོད། དམངས་སྤྱོད་མཁའ་འགྲུལ་ཅུས་ཀྱིས་ཟོག་སྐྱེལ་མཁའ་འགྲུལ་ཀུང་སིར་རྒྱལ་ནང་དང་རྒྱལ་སྤྱིའི་ཟོག་སྐྱེལ་དུས་གཏན་གནམ་གྲུ་མང་དུ་གཏོང་རྒྱུའི་ལྕག་སྐུལ་བྱས་པ་དང་། འགྲུལ་སྐྱེལ་མཁའ་འགྲུལ་ཀུང་སིར་འགྲུལ་པ་མ་བླུག་པར་དངོས་ཟོག་སྐྱེལ་འདྲེན་བྱས་ཏེ་མཁོ་སྤྲོད་འབྲེལ་ཐག་ཤར་བགྲོད་དང་། སྐྱེལ་འདྲེན། མཁོ་སྤྲོད་བཅས་འགན་ལེན་གྱི་ལས་དོན་ཡག་པོ་སྒྲུབ་རྒྱུའི་ལྕག་སྐུལ་བྱས་ཡོད།

དམངས་སྤྱོད་མཁའ་འགྲུལ་ཅུས་ཀྱིས་ཚན་པ་ཁག་ལ་སྐྱེལ་འདྲེན་ཐོན་སྐྱེད་དང་རིམས་ནད་སྔོན་འགོག་ཚོད་འཛིན་གྱི་ལས་དོན་སྤྱི་འདོམས་ངང་ཡག་པོ་སྒྲུབ་པ་དང་། དུས་གཏན་གནམ་གྲུའི་ཐེངས་གྲངས་སླར་གསོར་ཚོད་འཛིན་ནན་པོ་བྱས་ཏེ་དུས་གཏན་གནམ་གྲུའི་མང་ཉུང་དང་འགན་ལེན་ནུས་པ་ཕན་ཚུན་འཚམ་པོ་ཡོང་བ་བྱེད་དགོས་པའི་བླང་བྱ་བཏོན་ཡོད། །

རྩོམ་སྒྲིག་པ། : ཀླུ་མོ་མཚོ།