ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། ཉེ་ཆར། སློབ་གསོ་པུའུ་ཡིས་གཅིག་གྱུར་སྒོས་སློབ་གསོ་པུའུ་དང་ཞིང་ཆེན(ལྗོངས་དང་གྲོང་ཁྱེར)སོ་སོའི2023ལོའི་མཐོ་རྒྱུགས་དང་འབྲེལ་བའི་གནད་དོན་གྱི་ཁུངས་སྣེ་ཞུ་གཏུག་བྱེད་སའི་ཁ་པར་ཨང་གྲངས་ཁྱབ་བསྒྲགས་བྱས་ཤིང་། རྒྱ་ཆེའི་རྒྱུགས་སྤྲོད་སློབ་མ་དང་ཁྱིམ་བདག སྤྱི་ཚོགས་ཀྱི་ལས་རིགས་སོ་སོའི་མི་སྣས་དུས་ཐོག་ཏུ2023ལོའི་མཐོ་རྒྱུགས་དང་འབྲེལ་བའི་གནད་དོན་གྱི་ཁུངས་སྣེ་རྙེད་ཚེ་ཞུ་གཏུག་དང་འདོན་སྤྲོད་གནང་བར་དགའ་བསུ་ཞུ་བཞིན་ཡོད་པ་རེད། སློབ་གསོ་པུའུ་དང་ཞིང་ཆེན(ལྗོངས་དང་གྲོང་ཁྱེར)སོ་སོས་འབྲེལ་ཡོད་སྡེ་ཁག་དང་མཉམ་དུ་ཞུ་གཏུག་བྱས་པའི་ཁུངས་སྣེ་རྣམས་དུས་ཐོག་ཏུ་ཞིབ་བཤེར་ཐག་གཅོད་བྱས་ཏེ། མཐོ་རྒྱུགས་ཀྱི་དྲང་གཞག་དྲང་བདེན་ལ་མཐའ་གཅིག་ཏུ་སྲུང་སྐྱོང་བྱ་རྒྱུ་རེད། །
