ཀྲུང་གོ་བོད་ཀྱི་དྲ་བའི་འཕྲིན། ཞི་ཅིན་ཕིང་གི་ཁྲིམས་སྐྱོང་དགོངས་པ་དང་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་དུས་རབས་གསར་བའི་སྤྱི་བདེ་ལས་དོན་སྐོར་གྱི་རྒྱས་བཤད་གལ་ཆེན་དང་བསླབ་ཚིག་གལ་ཆེན་གྱི་དགོངས་དོན་སློབ་སྦྱོང་དང་ལག་ལེན་གཏིང་ཟབ་བྱེད་པ་དང་། ཤུགས་ཆེན་པོས་ཏང་འཛུགས་སྙིང་སྟོབས་དར་སྤེལ་གཏོང་བ། རྒྱ་ཆེའི་སྤྱི་བདེ་མི་དམངས་ཉེན་རྟོག་པ་དུས་རབས་གསར་བར་འབད་པས་བསྐྱོད་པ་དང་དུས་རབས་གསར་བར་བྱས་རྗེས་འཇོག་པར་སྐུལ་ལྕག་གནང་ཆེད། ཀྲུང་དབྱང་དྲིལ་སྒྲོག་པུའུ་དང་སྤྱི་བདེ་པུའུ་ཡིས་ཉེ་ལམ་སྤྱི་ཚོགས་ཡོངས་ལ་ཁ་ཕྱོགས་ནས2022ལོའི་ཆེས་མཛེས་པའི་གཞི་རིམ་གྱི་མི་དམངས་ཉེན་རྟོག་པའི་སྔོན་ཐོན་བྱས་རྗེས་དྲིལ་སྒྲོག་དང་ཁྱབ་བསྒྲགས་བྱས་པ་རེད།
ཀྲང་ལེའང་དང་ལུའུ་ཡིའུ། ཀྲའོ་ཧེང་པིན། ཨན་ཨེར་པའོ། མ་ཁྲུན་ཧྭ། ཀྲང་ཡུས་ཧང་། ཧོ་ཧོན། ལུའུ་པོ་དབྱང་། ཁྲེན་ཅན་ཆང་། སུན་དབྱི་ཧའེ། ལེའང་ཞའོ་ལི། ཀྲུའུ་མིང་། ཧྲི་ཞའོ་ཅན། ཨེ་ཅིན་ཧྥིན། ཀྲང་ལེན་པོ། ཁྲེན་མིན་ཧྲིན། ཁྲང་ཝུའུ(སྐུ་གཤེགས)། ལི་ཅང་། ཧྲི་ཁྲུན་ཞ། དབྱང་པོ་ལུན། ཆའོ་ཅི་ཅིན། ཀྲོའུ་ཧི་ལི། ཧོང་ཁྲུན། ཀྲུའུ་ཡུང་ཧོང་། ཧྲི་ལིན། ཧོང་ཅ་པིན། ཧྥན་ཡིའུ་ཧོང་། ལིའུ་ཧན་ཁྲའོ། ངག་དབང་བསྟན་དར། ཡོན་ཧྥང་། ཕན་ཅིན་ལེ། ཐན་ཧྥིན། ཚིན་ཀྲི་ཆང་། ཞུའུ་ཅོན། ཁྲིན་ཝན་ལི། ཧྥུའུ་ཧྲི་ཁྲེ། ཁྲིན་ཡུས། ཝང་ཝེ་སོགས་མི་སྒེར38ལ་གཟི་བརྗིད་ལྡན་པའི་མཚན་སྙན་འདི་ཐོབ་པ་རེད། ཁོང་ཚོའི་ཁྲོད་མཐའ་མཚམས་བཅའ་སྲུང་བྱས་ནས་མི་དཀྱུས་མའི་བསམ་ཡུལ་ལས་འདས་པའི་དཀའ་ངལ་ཁྱད་དུ་བསད་དེ་ཕྱོགས་གཅིག་གི་བདེ་འཇགས་སྲུང་མཁན་ཡོད་པ་དང་། ལ་ལས་འཐབ་ས་དང་པོར་དཔའ་ངར་ཆེན་པོས་མདུན་དུ་བསྐྱོད་དེ། རང་སྲོག་བློས་གཏོང་བར་མི་སྐྲག་པར་གྱོད་གཞི་ཆེན་པོ་དང་གནད་ཆེའི་གྱོད་གཞི་གང་མང་སེལ་བམཁན་ཡོད་ལ། འགའ་ཞིག་གིས་ཁྲོམ་གཞུང་དང་སྲང་ལམ་རྒྱུད་ཀྱི་སྡེ་ཁུལ་དང་རིམས་ནད་འགོག་པའི་འཐབ་ཕྱོགས་དང་པོར་བསྐྱོད་དེ། བློ་གཅིག་སེམས་གཅིག་གིས་མང་ཚོགས་ཀྱི“སེམས་ཁྲལ་དང་རེ་སྒུག”གནད་དོན་ཐག་གཅོད་བྱས་ནས་མི་སེར་གྱི་སྙིང་ཉེར་གྱུར་ཡོད། ཡང་ལ་ལས་ནུས་རྩལ་ཞིབ་སྦྱོང་བྱས་ཏེ་ཉེན་རྟོག་དམག་དཔུང་སྟོབས་ཆེན་དང་ཚན་རྩལ་གྱིས་ཉེན་རྟོག་དམག་དཔུང་དར་སྤེལ་གཏོང་བའི་བགྲོད་ལམ་སྟེང་འགན་འཁུར་ཆེན་པོས་ལང་ཚོའི་གཟི་དཔལ་མངོན་པ་དང་འབད་འབུངས་ཀྱི་མི་ཚེའི་བྱས་རྗེས་བཞག་ཡོད། ཁོང་ཚོ་ཉེན་རྟོག་པའི་ལས་གནས་མི་འདྲ་བ་ནས་ཡོང་ཡང་ཚང་མས་ཆབ་སྲིད་ཀྱི་འགན་འཁྲི་དང་། འགན་འཁྲི་འཁུར་སེམས། ལས་འགན་འཁུར་སེམས་བཅས་ལ་བརྟེན་ནས་དུས་རབས་གསར་པའི་འགན་འཁྲི་དང་ལས་འགན་ལྷག་བསམ་རྣམ་དག་ངང་བསྒྲུབས་པ་དང་། རྔུལ་ཆུ་དང་ཁྲག་དྲོན་དང་ཐ་ན་བླ་མེད་ཀྱི་ཚེ་སྲོག་སྤྱད་དེ་ཏང་དང་རྒྱལ་ཁབ། མི་དམངས། བཅའ་ཁྲིམས་བཅས་ལ་བཅངས་པའི་ལྷག་བསམ་གསོན་ཉམས་དོད་པོས་གསལ་འགྲེལ་བྱས་ཤིང་། མི་དམངས་སྤྱི་བདེ་མི་དམངས་ཀྱི་ཆེད་ཡིན་པའི་དཔའ་བོའི་བསྟོད་གླུ་རེ་རེ་བརྩམས་ནས། ཏང་གིས་མགོ་ཁྲིད་གནང་བའི་སྤྱི་ཚོགས་རིང་ལུགས་རྒྱལ་ཁབ་ཀྱི་མི་དམངས་ཉེན་རྟོག་པའི་སྒེར་སེམས་མེད་པ་དང་སྒེར་སེམས་མེད་པར་ལེགས་སྐྱེས་འབུལ་བའི་གཟུགས་བརྙན་བཟང་པོ་གང་ལེགས་ཀྱིས་མངོན་པར་བྱས་ཡོད།
ཡོངས་སྒྲོག་མཛད་སྒོ་དེ་བརྙན་ལམ་གྱི་འགྲེམས་སྟོན་དང་མི་སྣའི་བཅར་འདྲི། “སྤྲིན”ཐོག་འབྲེལ་མཐུད་སོགས་ཀྱི་རྣམ་པ་སྤྱད་དེ་ཕྱོགས་མི་འདྲ་བའི་ཐོག་ནས་ཁོང་ཚོའི་སྔོན་ཐོན་བྱས་རྗེས་དང་ལས་ཀ་དང་འཚོ་བའི་མྱོང་ཚོར་གླེང་བ་རེད། ཀྲུང་དབྱང་དྲིལ་སྒྲོག་པུའུ་དང་སྤྱི་བདེ་པུའུ་ཡི་འགན་འཁུར་བློ་མཐུན་གྱིས་ཁོང་ཚོར“ཆེས་མཛེས་པའི་གཞི་རིམ་གྱི་མི་དམངས་ཉེན་རྟོག་པའི”ལག་ཁྱེར་སྤྲད་པ་རེད།
རྒྱ་ཆེའི་སྤྱི་བདེའི་མི་དམངས་ཉེན་རྟོག་པས། བློ་མཐུན་ཞི་ཅིན་ཕིང་སྲོག་ཤིང་ཡིན་པའི་ཏང་ཀྲུང་དབྱང་གི་མཐའ་སྐོར་དུ་སྔར་ལས་མཐུན་སྒྲིལ་དམ་ཟབ་བྱས་ནས། “གཏན་འཁེལ་གཉིས”ཀྱི་ཐག་གཅོད་རང་བཞིན་གྱི་དོན་སྙིང་ལ་གོ་བ་གཏིང་ཟབ་པ་དང་། “འདུ་ཤེས་བཞི”ཇེ་ཟབ་ཏུ་གཏོང་བ་དང“ཡིད་ཆེས་བཞི”སྲ་བརྟན་དུ་གཏོང་བ། “སྲུང་སྐྱོང་གཉིས”སྒྲུབ་ཐུབ་པ་བཅས་བྱས་ཏེ། “ཆེས་མཛེས་པའི་གཞི་རིམ་གྱི་མི་དམངས་ཉེན་རྟོག་པ”མིག་དཔེར་བཟུང་སྟེ། ཐོག་མའི་བསམ་འདུན་དང་འགན་འཁྲི་བློ་ལ་བརྟན་པོར་བཅངས་ནས། འགན་འཁྲི་འཁུར་ཤུགས་ཆེ་རུ་གཏོང་བ་དང་། མཐའ་གཅིག་ཏུ་ཏང་ལ་བློ་དཀར་སེམས་དཀར་དང་མི་དམངས་ལ་ཞབས་འདེགས་ཞུ་བ། ཁྲིམས་བསྟར་དྲང་གཞག སྒྲིག་ཁྲིམས་ནན་སྲུང་བཅས་བྱེད་པ། སྟོབས་ཤུགས་ཡོད་རྒུ་བཏོན་ནས་ཉེན་ཁ་སྔོན་འགོག་དང་བདེ་འཇགས་སྲུང་སྐྱོང་། བརྟན་ལྷིང་སྲུང་སྐྱོང་། འཕེལ་རྒྱས་ལ་སྐུལ་འདེད་བཅས་བྱས་ཏེ།ཆབ་སྲིད་ཀྱི་བདེ་འཇགས་མཐའ་གཅིག་ཏུ་སྲུང་སྐྱོང་དང་། ནུས་ཤུགས་གང་ཡོད་ཀྱིས་སྤྱི་ཚོགས་གཏན་འཇགས་ལ་སྲུང་སྐྱོང་། མི་དམངས་བདེ་སྐྱིད་ཡོང་བར་དངོས་གནས་འགན་སྲུང་བྱེད་པ། བྱ་སྤྱོད་དངོས་ཀྱི་ཐོག་ནས་ཏང་གི་ཚོགས་ཆེན་ཐེངས་ཉི་ཤུ་པ་རྒྱལ་ཁའི་ངང་འཚོགས་པར་བསུ་བ་བཅས་བྱ་རྒྱུ་ཡིན་པར་བསྟན། །