ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། རྒྱལ་ཁབ་འཕྲོད་བསྟེན་བདེ་ཐང་ཨུ་ཡོན་ལྷན་ཁང་གིས་ཟླ་བཞི་བའི་ཚེས་ཉེར་དགུ་ཉིན་ཁྱབ་བསྒྲགས་བྱས་པ་ལྟར་ན། ཟླ་བཞི་པའི་ཚེས་ཉེར་བརྒྱད་ཉིན་གྱི་དུས་ཚོད་ཉེར་བཞིའི་རིང་ལ། ཞིང་ཆེན་དང་རང་སྐྱོང་ལྗོངས། ཐད་གཏོགས་གྲོང་ཁྱེར་བཅས་སོ་གཅིག་དང་། ཞིན་ཅང་ཐོན་སྐྱེད་འཛུགས་སྐྲུན་དམག་ཚོགས་བཅས་ཀྱིས་པྲོག་གསར་གློ་ཚད་རིམས་ནད་ལ་ངོས་བཟུང་བའི་ནད་པ་སྟོང་ལྔ་དང་དྲུག་བརྒྱ་ང་དགུ་ཇེ་མང་དུ་སོང་བ་ཁྱབ་བསྒྲགས་བྱས་པ་དང་། དེའི་ནང་ཕྱི་ནས་མཆེད་པའི་ནད་པ་བཅུ་གསུམ་ཡོད་ལ། རང་ས་གནས་ཀྱི་ནད་པ་སྟོང་ལྔ་དང་དྲུག་བརྒྱ་ཞེ་དྲུག་ཡོད། སྨན་ཁང་ནས་སངས་དྲག་བྱུང་ཏེ་སྒོར་བུད་པའི་ནད་པ་སྟོང་གཉིས་དང་བདུན་བརྒྱ་གྱ་གཉིས་ཡོད། ནད་རྟགས་ངོས་བཟུང་མེད་པའི་ནད་པ་སྟོང་གཅིག་དང་ཉེར་དགུ་ཡོད་ཅིང་། དེའི་ཁྲོད་ཕྱི་ནས་མཆེད་པའི་ནད་པ་གྱ་བདུན་ཡོད་པ་དང་། རང་ས་གནས་ཀྱི་ནད་པ་སྟོང་དགུ་དང་དགུ་བརྒྱ་ཞེ་གཉིས་ཡོད། ཉིན་དེར་སྨན་བཅོས་ལྟ་སྐྱོང་ལས་གློད་པའི་ནད་རྟགས་མི་མངོན་པའི་ནད་པ་ཁྲི་གཅིག་དང་སྟོང་ལྔ་བརྒྱད་བརྒྱ་བཅོ་བརྒྱད་ཡོད། ཟླ་བཞི་བའི་ཚེས་ཉེར་བརྒྱད་ཉིན་གྱི་དུས་ཚོད་ཉེར་བཞིའི་རིང་ལ། ད་ཡོད་ངོས་བཟུང་བའི་ནད་པ་ཁྲི་གཉིས་དང་སྟོང་བརྒྱད་སུམ་བརྒྱ་བཅུ་བདུན་ཡོད། ཟླ་བཞི་པའི་ཚེས་ཉེར་བརྒྱད་ཉིན་བར།
ས་ཁུལ་སོ་སོ་ནས་བསྡོམས་པས་པྲོག་གསར་གློ་ཚད་རིམས་ནད་ཀྱི་འགོག་ཁབ་མི་ཐེངས་ཐེར་འབུམ་གསུམ་དང་དུང་ཕྱུར་གསུམ་བྱེ་བ་གསུམ་བཞི་འབུམ་བདུན་ཁྲི་གཅིག་སྟོང་གཅིག་ལ་བརྒྱབ། །