ཞི་ཅིན་ཕིང་གིས་ཧེ་ནན་ཞིང་ཆེན་ཝུའུ་ཀྲི་ཧྲན་གྲོང་ཁྱེར་དུ་རྟོག་ཞིབ་གནང་།

ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། ཚེས11ཉིན། སྤྱི་ཁྱབ་ཧྲུའུ་ཅི་ཞི་ཅིན་ཕིང་ཧེ་ནན་ཞིང་ཆེན་ཝུའུ་ཀྲི་ཧྲན་གྲོང་ཁྱེར་དུ་ཕེབས་ནས། སྔ་རྗེས་སུ་ཧེ་ནན་ཚ་ཁུལ་ཆར་ནགས་རྒྱལ་ཁབ་སྤྱི་གླིང་ཝུའུ་ཀྲི་ཧྲན་ཡུག་ཁུལ་དང་། ཧྲེ་མན་ཤང་མའོ་ན་སྡེ་བ་རུ་རྟོག་ཞིབ་མཛད་ནས། ཧེ་ནན་གྱིས་རང་བྱུང་ཁོར་ཡུག་དང་སྐྱེ་དངོས་སྣ་མང་རང་བཞིན་ལ་སྲུང་སྐྱོབ་བྱས་པ་དང་། དབུལ་ཐར་འགག་སྒྲོལ་གྱི་གྲུབ་འབྲས་སྲ་བརྟན་དུ་བཏང་ནས་གྲོང་གསེབ་དར་སྤེལ་དང་འབྲེལ་མཐུད་ནུས་ལྡན་བྱས་པ་སོགས་ཀྱི་གནས་ཚུལ་ལ་ཤེས་རྟོགས་བྱས། །