ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། ཟླ1པོའི་ཚེས4ཉིན། སྤྱི་ཁྱབ་ཧྲུའུ་ཅི་ཞི་ཅིན་ཕིང་སྔ་གཞུག་ཏུ་རྒྱལ་ཁབ་མགྱོགས་ཤུད་ཁང་དང་པེ་ཅིང་དགུན་དུས་ཨོ་ལིན་ཕིག་ལུས་རྩལ་འགྲན་ཚོགས། དགུན་དུས་དབང་བོ་སྐྱོན་ཅན་ཨོ་ལིན་ཕིག་ལུས་རྩལ་འགྲན་ཚོགས་ཀྱི་སྨྱན་བྱད་གཙོ་བོའི་ལྟེ་གནས། པེ་ཅིང་དགུན་དུས་ཨོ་ལིན་ཕིག་ལུས་རྩལ་འགྲན་ཚོགས་སྡེ་བ། པེ་ཅིང་དགུན་དུས་ཨོ་ལིན་ཕིག་ལུས་རྩལ་འགྲན་ཚོགས་བཀོད་འདོམས་པུའུ་བཀོད་གཏོང་ལྟེ་གནས། གཉིས་བདུན་བཟོ་གྲྭ་གངས་འཁྱགས་རྣམ་གྲངས་སྦྱོར་བརྡར་རྟེན་གཞི་བཅས་སུ་ཕེབས་ནས། ཡུལ་དངོས་སུ2022ལོའི་པེ་ཅིང་དགུན་དུས་ཨོ་ལིན་ཕིག་ལུས་རྩལ་འགྲན་ཚོགས་དང་དགུན་དུས་དབང་བོ་སྐྱོན་ཅན་ཨོ་ལིན་ཕིག་ལུས་རྩལ་འགྲན་ཚོགས་ཀྱི་གྲ་སྒྲིག་བྱ་བའི་གནས་ཚུལ་ལ་རྒྱུས་ལོན་གནང་བ་མ་ཟད། ལུས་རྩལ་པ་དང་རྩལ་འཁྲིད་པ། འཁོར་སྐྱོད་དོ་དམ་མི་སྣ། ཞབས་ཞུ་འགན་སྲུང་མི་སྣ། ཚན་ཞིབ་མི་སྣ། སྨྱན་བྱད་ཀྱི་གསར་འགོད་པ་དང་དང་བླངས་པ་བཅས་ལ་འཚམས་འདྲི་གནང་སྟེ་ཚང་མར་ལོ་སར་གྱི་སྨོན་འདུན་ཞུས་པ་རེད། །