ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། ཟླ7པའི་ཚེས6ཉིན། རྒྱལ་ཁབ་བསྡོམས་རྩིས་ཅུའུ་ཡིས་ཚེས6ཉིན་ཁྱབ་བསྒྲགས་བྱས་པའི་གཞི་གྲངས་ལྟར་ཞིབ་རྩིས་བྱས་པ་བརྒྱུད། 2020ལོའི་རང་རྒྱལ་གྱི་“གསར་གསུམ”དཔལ་འབྱོར་འཕར་བའི་རིན་ཐང་སྒོར་དུང་ཕྱུར169254ལ་སླེབས་པ་དང་། དེ་ན་ནིང་ལས4.5％འཕར་ཞིང་། དུས་མཉམ་གྱིGDPད་ལྟའི་རིན་གོང་གི་འཕར་ཚད་ལས་བརྒྱ་ཆའི་ཚེག1.5མཐོ་རུ་ཕྱིན་པ་དང་། དེGDPབསྡུར་ཚད་ཀྱི17.08％ཟིན་ལ། ན་ནིང་ལས་བརྒྱ་ཆའི་ཚེག0.7ཇེ་མཐོར་སོང་ཡོད།
ཐོན་ལས་ཐེངས་གསུམ་དུ་བགོས་ནས་བལྟས་ན། “གསར་གསུམ”དཔལ་འབྱོར་ཁྲོད། ཐོན་ལས་དང་པོའི་འཕར་བའི་རིན་གྲངས་སྒོར་དུང་ཕྱུར7423ལ་སླེབས་པ་དང་། ན་ནིང་ལས11.0％འཕར་བ་དང་།བསྡུར་ཚད4.39％ཟིན། ཐོན་ལས་གཉིས་པའི་འཕར་བའི་རིན་ཐང་སྒོར་དུང་ཕྱུར73487ལ་སླེབས་པ་དང་། ན་ནིང་ལས4.3％འཕར་ལ། བསྡུར་ཚད43.42％ཟིན། ཐོན་ལས་གསུམ་པའི་འཕར་བའི་རིན་ཐང་སྒོར་དུང་ཕྱུར88345ཡིན་ཞིང་། ན་ནིང་ལས4.2％འཕར་བ་དང་། བསྡུར་ཚད52.20％ཟིན།
“གསར་གསུམ”དཔལ་འབྱོར་ནི་ཐོན་ལས་གསར་བ་དང་ལས་རྣམ་གསར་བ། ཚོང་ལས་རྣམ་པ་གསར་བ་ནང་དོན་ཡིན་པའི་དཔལ་འབྱོར་བྱ་འགུལ་གཅིག་བསྡུས་ཤིག་ཡིན། “གསར་གསུམ”དཔལ་འབྱོར་འཕར་བའི་རིན་ཐང་ཚད་འཇལ་བ་ནི་རྒྱལ་ཁབ་ཅིག（ཡང་ན་ས་ཁུལ）གི་རྒྱུན་སྡོད་ལས་ཁུངས་ཀྱི་དུས་སྐབས་ངེས་ཅན་གྱི་ནང་དུ་གཉེར་བའི“གསར་གསུམ”དཔལ་འབྱོར་ཐོན་སྐྱེད་འཚོ་བའི་བྱ་འགུལ་གསར་སྐྲུན་བྱས་པའི་འཕར་བའི་རིན་ཐང་ཡིན། །