ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་ཀྲུའུ་ཞི་ཞི་ཅིན་ཕིང་གིས་རྒྱལ་ཡོངས་མི་དམངས་འཐུས་མི་ཚོགས་ཆེན་རྒྱུན་ལས་ཨུ་ཡོན་ལྷན་ཁང་གི་ཐག་གཅོད་ལ་གཞིགས་ཏེ་ཕྱི་རྒྱལ་དུ་སྡོད་པའི་གཞུང་ཚབ་པ་ཆེན་མོ་སྐོར་ཞིག་བསྐོ་འཐེན་བྱས་པ་སྟེ།
གཅིག ལིའུ་ཞའོ་མིང་གི་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཏ་པུའུ་ལེ་ཏེན་དང་བྱང་ཨར་ལན་མཉམ་འབྲེལ་རྒྱལ་བོའི་རྒྱལ་ཁབ་དུ་སྡོད་པའི་དབང་ཆ་ཚང་མ་ཡོད་པའི་གཞུང་ཚབ་ཆེན་མོའི་ལས་འགན་ཕྱིར་འཐེན་བྱས།
ཀྲིན་ཙིའུ་ཀོང་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཏ་པུའུ་ལེ་ཏེན་དང་བྱང་ཨར་ལན་མཉམ་འབྲེལ་རྒྱལ་བོའི་རྒྱལ་ཁབ་དུ་སྡོད་པའི་དབང་ཆ་ཚང་མ་ཡོད་པའི་གཞུང་ཚབ་ཆེན་མོར་བསྐོ་འཇོག་བྱས།
གཉིས། ཝང་ཁོ་ཅན་གྱི་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ལི་པ་ནུན་སྤྱི་མཐུན་རྒྱལ་ཁབ་དུ་སྡོད་པའི་ཆེད་བསྐོས་ཀྱི་དབང་ཆ་ཚང་མ་ཡོད་པའི་གཞུང་ཚབ་ཆེན་མོའི་ལས་འགན་ཕྱིར་འཐེན་བྱས།
ཆན་མིན་ཅན་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ལི་པ་ནུན་སྤྱི་མཐུན་རྒྱལ་ཁབ་དུ་སྡོད་པའི་ཆེད་བསྐོས་ཀྱི་དབང་ཆ་ཚང་མ་ཡོད་པའི་གཞུང་ཚབ་ཆེན་མོར་བསྐོ་འཇོག་བྱས།
གསུམ། ཀྲིན་ཀྲུའུ་ཆང་གི་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཝུའུ་ཀན་ཏ་སྤྱི་མཐུན་རྒྱལ་ཁབ་དུ་སྡོད་པའི་ཆེད་བསྐོས་ཀྱི་དབང་ཆ་ཚང་མ་ཡོད་པའི་གཞུང་ཚབ་ཆེན་མོའི་ལས་འགན་ཕྱིར་འཐེན་བྱས།
ཀྲང་ལི་ཀྲུང་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཝུའུ་ཀན་ཏ་སྤྱི་མཐུན་རྒྱལ་ཁབ་དུ་སྡོད་པའི་ཆེད་བསྐོས་ཀྱི་དབང་ཆ་ཚང་མ་ཡོད་པའི་གཞུང་ཚབ་ཆེན་མོར་བསྐོ་འཇོག་བྱས།
བཞི། ཞུའེ་པིན་གྱི་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་པ་པུའུ་ཡ་ཞིན་ཅི་ནེ་ཡ་སྒེར་ཚུགས་རྒྱལ་ཁབ་ཀྱི་ཆེད་བསྐོས་ཀྱི་དབང་ཆ་ཚང་མ་ཡོད་པའི་གཞུང་ཚབ་ཆེན་མོའི་ལས་འགན་ཕྱིར་འཐེན་བྱས།
ཙིན་ཧྥན་ཧྭ་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་པ་པུའུ་ཡ་ཞིན་ཅི་ནེ་ཡ་སྒེར་ཚུགས་རྒྱལ་ཁབ་ཀྱི་ཆེད་བསྐོས་ཀྱི་དབང་ཆ་ཚང་མ་ཡོད་པའི་གཞུང་ཚབ་ཆེན་མོར་བསྐོ་འཇོག་བྱས།