ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། ཚེས14ཉིན་གསར་འགོད་པས་འཕྲལ་བསྟུན་དོ་དམ་པུའུ་ནས་ཤེས་གསལ་ལྟར་ན། རྒྱལ་སྲིད་སྤྱི་ཁྱབ་ཁང་བདེ་འཇགས་ཐོན་སྐྱེད་ཨུ་ཡོན་ལྷན་ཚོགས་ཀྱིས་ཧུའུ་པེ་ཧྲི་ཡན་སོལ་རླངས་འབར་གས་དོན་རྐྱེན་ལ་ཞིབ་བཤེར་ཐག་གཅོད་བྱེད་པར་ཚན་བཙུགས་སྒྲུབ་སྐུལ་བྱ་རྒྱུའི་གཏན་འབེབས་བྱས་པ་རེད། འཕྲལ་བསྟུན་དོ་དམ་པུས་སྡོད་ཁང་དང་གྲོང་ཁྱེར་གྲོང་གསེབ་འཛུགས་སྐྲུན་པུའུ་སོགས་སྡེ་ཁག་དང་མཉམ་འབྲེལ་གྱིས་ས་ཁུལ་སོ་སོས་སོལ་རླངས་སྤྱོད་པའི་ཚོང་འདུས་ཁྲོམ་ར་དང་། བཟའ་བཏུང་སོགས་ཐོན་སྐྱེད་གཉེར་སྐྱོང་སྡེ་ཁག་གི་གཞི་གྲངས་ལ་ཕྱོགས་ཡོངས་ནས་གྲལ་བཤེར་བྱེད་པར་སྐུལ་འདེད་བཏང་ནས། སོལ་རླངས་ཤོར་བའི་ཉེན་བརྡའི་སྒྲིག་ཆས་སོགས་མགྱོགས་མྱུར་གྱིས་སྒྲིག་སྦྱོར་བྱས་ཏེ། སོལ་རླངས་བདེ་འཇགས་ལ་ཤུགས་རྐྱེན་བཟོ་བའི་མངོན་གསལ་དོད་པའི་གནད་དོན་ཐག་གཅོད་ཏན་ཏིག་བྱས་ནས། དེ་དང་འདྲ་བའི་དོན་རྐྱེན་བྱུང་བར་སྔོན་འགོག་མཐའ་གཅིག་ཏུ་བྱ་རྒྱུ་རེད།
