ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། གྲོང་གསེབ་དར་རྒྱས་སྐུལ་འདེད་བཅའ་ཁྲིམས་འཆར་ཟིན་གྱི་གྲོས་ཞིབ་ཐེངས་གསུམ་པའི་མ་ཟིན་དེ་ཚེས26ཉིན་རྒྱལ་ཡོངས་མི་དམངས་འཐུས་མི་ཚོགས་ཆེན་སྐབས་བཅུ་གསུམ་པའི་རྒྱུན་ལས་ཨུ་ཡོན་ལྷན་ཚོགས་ཀྱི་ཚོགས་འདུ་ཐེངས་ཉེར་བརྒྱད་པའི་སྟེང་གྲོས་ཞིབ་བྱ་རྒྱུར་ཕུལ་ཡོད། འཆར་ཟིན་གྱི་གྲོས་ཞིབ་ཐེངས་གསུམ་པའི་མ་ཟིན་ནང་གཏན་འབེབས་ཁ་སྣོན་བརྒྱབ་སྟེ། ལོ་རེའི་ལུགས་རྙིང་གི་སྟོན་མཉམ་ཉིན་མོ་དེ་ཀྲུང་གོའི་ཞིང་པའི་ལོ་ལེགས་དུས་ཆེན་ཏུ་གཏན་འཁེལ་བྱས་པ་ཁ་གསལ་བཟོས་ཡོད། །