ཀྲུང་གོ་བོད་ཀྱི་དྲ་བ།

དྭངས་གསལ་དུས་ཆེན་གུང་གསེང་རིང་རྒྱལ་ཡོངས་ཀྱི་སིལ་འཚོང་ལས་རིགས་ཀྱི་ཕྱིར་འཚོང་ཡོང་འབབ་དུས་མཉམ་ལས17.8%འཕར་བ།

ཡོང་ཁུངས། : ཀྲུང་གོ་བོད་ཀྱི་དྲ་བ།   རྩོམ་པ་པོ། : རྡོ་རྗེ་བསམ་འགྲུབ་ཀྱིས་བསྒྱུར།   སྤེལ་དུས། : 2021-04-08
ཡིག་གཟུགས། :ཆུང་། འབྲིང་། ཆེ།

ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། རྒྱལ་ཁབ་ཁྲལ་དོན་སྤྱི་ཁྱབ་ཅུས་ཀྱི་ཐང་འཕར་དཔྱ་ཁྲལ་བཙོང་འཛིན་གཞི་གྲངས་ལས་མངོན་པ་ལྟར་ན། ད་ལོའི་དྭངས་གསལ་དུས་ཆེན་གུང་གསེང་རིང་། རྒྱལ་ཡོངས་ཀྱི་འཛད་སྤྱོད་ཚོང་ར་མུ་མཐུད་དུ་ཇེ་ལེགས་སུ་སོང་ཞིང་། སྡོད་དམངས་ཀྱི་འཛད་སྤྱོད་དེ་ཅུང་མགྱོགས་པའི་ངང་འཕར་བའི་རྣམ་པ་རྒྱུན་འཁྱོངས་བྱས་ཡོད།

རྒྱུས་ལོན་པ་ལྟར་ན། ན་ནིང་གི་དྭངས་གསལ་དུས་ཆེན་གུང་གསེང་རིང་། རྒྱལ་ནང་གི་པྲོག་གསར་གློ་ཚད་རིམས་ནད་ཀྱི་གནས་བབ་གཞི་རྩའི་ཆ་ནས་ཚོད་འཛིན་བྱས་ཡོད་པ་དང་། སྡོད་དམངས་འཛད་སྤྱོད་ལ་སླར་གསོ་རང་བཞིན་གྱི་གོང་འཕེལ་བྱུང་། ད་ལོའི་དྭངས་གསལ་དུས་ཆེན་གུང་གསེང་རིང་དེའི་རྨང་གཞིའི་སྟེང་ཅུང་མགྱོགས་པའི་ངང་འཕར་བའི་རྣམ་པ་རྒྱུན་འཁྱོངས་བྱས་ཡོད།

1.jpg

རྒྱལ་ཁབ་ཁྲལ་དོན་སྤྱི་ཁྱབ་ཅུས་འཕར་ཐང་དཔྱ་ཁྲལ་བཙོང་འཛིན་གཞི་གྲངས་ལས་མངོན་པ་ལྟར་ན། ད་ལོའི་དྭངས་གསལ་དུས་ཆེན་གུང་གསེང་རིང་རྒྱལ་ཡོངས་ཀྱི་སིལ་འཚོང་ལས་རིགས་ཀྱི་ཕྱིར་འཚོང་ཡོང་འབབ་དུས་མཉམ་ལས17.8%འཕར་མངོན་འགྱུར་བྱས་ཤིང་། ལོ་གཉིས་རིང་ཆ་སྙོམས་ཀྱིས10.9%འཕར་ལ། དེའི་ནང་ལྕགས་རྟ་སོགས་ཀྱི་བཞོན་རྟ(40.7%)དང་། འབྲུ་སྣུམ་སྔོ་ཚལ་དང་སིལ་ཏོག(41.9%) བརྡ་འཕྲིན་སྒྲིག་ཆས(25%)། གྱོན་གོས(22%)སོགས་ཀྱི་འཛད་སྤྱོད་མགྱོགས་མྱུར་ངང་གོང་དུ་འཕར་ཡོད།

2.jpg

ད་ལོའི་དྭངས་གསལ་དུས་ཆེན་གུང་གསེང་རིང་། ཡུལ་སྐོར་དང་འཁོར་ཞག་གི་དགོས་མཁོ་གཅིག་བསྡུའི་ངང་ཇེ་མང་དུ་སོང་ལ། ཞག་སྡོད་ཞབས་ཞུའི་ཕྱིར་འཚོང་ཡོང་འབབ་དུས་མཉམ་ལས91.5%འཕར་བ་དང་། ལོ་གཉིས་རིང་ཆ་སྙོམས་ཀྱིས6%འཕར་ཡོད།

       གཞན་ཡང་ཉེ་འགྲམ་ཡུལ་སྐོར་དང་སྣ་མང་ཅན་གྱི་རོལ་རྩེད་གྱི་སྐུལ་ཁྲིད་འོག ཡུལ་སྐོར་གྱི་འབྲེལ་ཡོད་ཞབས་ཞུ་ཕྱིར་འཚོང་ཡོང་འབབ་དུས་མཉམ་ལས189.2%མངོན་གསལ་གྱིས་འཕར་ཡོད།  །

རྩོམ་སྒྲིག་པ། : རྡོ་རྗེ་བསམ་འགྲུབ།