ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། ཚེས18ཉིན། སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་པེ་ཅིང་དགུན་ཁའི་ཨོ་རྩལ་འགྲན་ཚོགས་དང་དགུན་ཁའི་དབང་བོ་སྐྱོན་ཅན་ཨོ་རྩལ་འགྲན་ཚོགས་ཀྱི་གྲ་སྒྲིག་བྱ་བར་རྟོག་ཞིབ་གནང་། ཞི་ཅིན་ཕིང་སྔ་རྗེས་སུ་པེ་ཅིང་གྲོང་ཁྱེར་ཧེ་ཏེན་ཆུས་ན་ཡོད་པའི་རྒྱལ་སའི་ལུས་རྩལ་ཁང་དང་། པེ་ཅིང་གྲོང་ཁྱེར་ཡན་ཆིན་ཆུས་ན་ཡོད་པའི་རྒྱལ་ཁབ་གངས་ཤུད་ལྟེ་གནས། རྒྱལ་ཁབ་གངས་འགྲུལ་གངས་འཁོར་ལྟེ་གནས་བཅས་སུ་ཕེབས་ནས་ལུས་རྩལ་ར་བའི་འཛུགས་སྐྲུན་དང་ལུས་རྩལ་པའི་གྲ་སྒྲིག་བྱ་བར་རྟོག་ཞིབ་གནང་བ་མ་ཟད། ལུས་རྩལ་པ་དང་རྩལ་ཁྲིད་པ། ཡན་ཆིན་འགྲན་ཁུལ་གྱི་འགན་སྲུང་ཚོགས་པ། འཛུགས་སྐྲུན་མི་སྣ་བཅས་ཀྱི་འཐུས་མི་སྐོར་ཞིག་ལ་འཚམས་འདྲི་གནང་། །
