ཀྲུང་གོ་བོད་ཀྱི་དྲ་བའི་འཕྲིན། ཟླ12པའི་ཚེས7ཉིན།ཆེས་མཐོའི་མི་དམངས་ཞིབ་དཔྱོད་ཁང་གི་འགན་ཁུར་བས་ཚེས7ཉིན་རྒྱལ་ཡོངས་ཞིབ་དཔྱོད་ལས་ཁུངས་ཀྱིས་དམངས་དོན་ཁྲིམས་གཞུང་ལག་བསྟར་བྱེད་པའི་བྱ་བའི་གྲོས་ཚོགས་སྟེང་བསྟན་དོན། ནར་མ་སོན་པ་དང་ཞིང་བ།དཀའ་ཁག་ཡོད་པའི་མང་ཚོགས་སོགས་ཀྱི་དམངས་དོན་ཞུ་གཏུགས་བྱེད་པར་རང་ཉིད་ཀྱི་ཁྲིམས་མཐུན་དབང་ཆར་སྲུང་སྐྱོབ་བྱེད་པ་དང་། ཞུ་གཏུགས་ཀྱི་ཤུགས་ཚད་ཇེ་ཆེར་བཏང་ནས་ཁྲིམས་འཛིན་གྱི་ནུས་པ་མངོན་དགོས་ཞེས་བསྟན།
སང་ལོའི་ཟླ1པོའི་ཚེས1ཉིན་ནས་བཟུང་དམངས་དོན་ཁྲིམས་གཞུང་གིས་ནར་མ་སོན་པའི་སྲོལ་ཡིག་མང་པོ་དང་འབྲེལ་བའི་ནར་མ་སོན་པའི་མིའི་ཁེ་དབང་སྲུང་སྐྱོབ་ལ་ཕན་ཁེ་ཡོད་པ་དང་། ཞིབ་དཔྱོད་ལས་ཁུངས་ཀྱིས་དམངས་དོན་ཁྲིམས་གཞུང་གི་ནར་མ་སོན་པའི་མིའི་སྲུང་སྐྱོབ་ཀྱི་བླང་བྱ་གསར་བ་དང་།ནར་མ་སོན་པའི་མིའི་ཞིབ་དཔྱོད་བྱ་བ་གསར་གཏོད་དོན་འཁྱོལ་བྱེད་རྒྱུ་རེད།།