ཀྲུའུ་ཞི་ཞི་ཅིན་ཕིང་གི་དམིགས་བསལ་འཐུས་མི་དང་རྒྱལ་སྲིད་ཨུ་ཡོན། ཕྱི་འབྲེལ་པུའུ་ཡི་པུའུ་ཀྲང་ཝང་དབྱི་མཉམ་འབྲེལ་རྒྱལ་ཚོགས་ཀྱི་པྲོག་གསར་གློ་ཚད་རིམས་ནད་ཐད་ཀྱི་དམིགས་བསལ་ཚོགས་འདུ་ནང་ཞུགས་རྒྱུ་ཡིན་པ།

ཞིན་ཧྭ་གསར་འགྱུར་ཁང་གིས་སྤེལ་བའི་གློག་འཕྲིན། ཚེས2ཉིན་ཕྱི་འབྲེལ་པུའུ་ཡི་མགྲིན་ཚབ་པ་ཧྭ་ཁྲུན་ཡིང་གིས། མཉམ་འབྲེལ་རྒྱལ་ཚོགས་ཀྱིས་ཚེས3ནས4ཉིན་བར་པྲོག་གསར་གློ་ཚད་རིམས་ནད་ཐད་ཀྱི་མཉམ་འབྲེལ་རྒྱལ་ཚོགས་ཀྱི་དམིགས་བསལ་ཚོགས་འདུ་འཚོག་རྒྱུ་ཡིན་པ་དང་།  ཀྲུང་གོ་རྒྱལ་ཁབ་ཀྱི་ཀྲུའུ་ཞི་ཞི་ཅིན་ཕིང་གི་དམིགས་བསལ་འཐུས་མི་དང་རྒྱལ་སྲིད་ཨུ་ཡོན་ནམ་ཕྱི་འབྲེལ་པུའུ་ཡི་པུའུ་ཀྲང་ཝང་དབྱི་མཉམ་འབྲེལ་རྒྱལ་ཚོགས་དམིགས་བསལ་ཚོགས་འདུའི་སྤྱིར་བཏང་རང་བཞིན་གྱི་རྩོད་གླེང་ནང་ཞུགས་རྒྱུ་མ་ཟད་བརྙན་ལམ་བརྒྱུད་ནས་གཏམ་བཤད་གནང་རྒྱུ་ཡིན་པ་ཁྱབ་བསྒྲགས་བྱས། །