ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། ཀྲུང་གུང་ཀྲུང་དབྱང་ཏང་གི་སློབ་གྲྭ(རྒྱལ་ཁབ་སྲིད་འཛིན་སློབ་གླིང)ཡིས་ཚེས1ཉིན་སྟོན་ཁའི་སློབ་དུས་ཀྱི་སྐོར་ཐེངས་གཉིས་པའི་ཟབ་སྦྱོང་འཛིན་གྲྭ་སློབ་འགོ་ཚུགས་པའི་མཛད་སྒོ་བསྡུས་པ་རེད། ཀྲུང་གུང་ཀྲུང་དབྱང་ཆབ་སྲིད་ཅུས་ཀྱི་ཨུ་ཡོན་ནམ་ཀྲུང་དབྱང་ཏང་གི་སློབ་གྲྭའི(རྒྱལ་ཁབ་སྲིད་འཛིན་སློབ་གླིང)སློབ་གཙོ(གླིང་གཙོ)ཁྲེན་ཤིས་ཀྱིས། འགོ་ཁྲིད་ལས་བྱེད་པས་ཏང་གི་སྐབས་བཅུ་དགུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་ལྔ་པའི་དགོངས་དོན་སློབ་སྦྱོང་དང་ལག་བསྟར་གཏིང་ཟབ་བྱ་རྒྱུ་དང་། སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་ཏང་འཛུགས་སྐྱོང་བྱ་རྒྱུའི་སྐོར་གྱི་རྣམ་བཤད་གལ་ཆེན་ལ་སློབ་སྦྱོང་དང་ལག་བསྟར་བྱ་རྒྱུ། ཏང་གིས་ཕྱོགས་ཡོངས་ནས་འགོ་ཁྲིད་བྱ་རྒྱུ་མཐའ་འཁྱོངས་དང་ཏང་འཛུགས་སྐྱོང་བྱེད་ཤུགས་ཆེ་རུ་གཏོང་བའི་ཆབ་སྲིད་ཀྱི་འགན་འཁྲི་ལག་བསྟར་ཏན་ཏིག་བྱ་རྒྱུ། ཁྱོན་ཡོངས་ནས་སྤྱི་ཚོགས་རིང་ལུགས་ཀྱི་དེང་རབས་ཅན་གྱི་རྒྱལ་ཁབ་འཛུགས་སྐྱོང་བྱེད་པའི་འཐབ་ལམ་གསར་པའི་སྟེང་བྱས་རྗེས་གསར་པ་དང་གྲུབ་འབྲས་གསར་པ་གཏོད་དགོས་ཞེས་ནན་གྱིས་བསྟན།
ཀྲུང་དབྱང་གི་འབྲེལ་ཡོད་སྡེ་ཁག་གི་འགན་འཁུར་བློ་མཐུན་དང་། ཀྲུང་དབྱང་ཏང་གི་སློབ་གྲྭའི(རྒྱལ་ཁབ་སྲིད་འཛིན་སློབ་གླིང་)ལས་དོན་ཨུ་ཡོན་ལྷན་ཚོགས(སློབ་གླིང་ལས་དོན་ཨུ་ཡོན་ལྷན་ཚོགས)ཀྱི་ཁོངས་མི་དང་། སློབ་མ་ཡོངས་རྫོགས། དགེ་རྒན་དང་ལས་བཟོ་པ་བཅས་སློབ་འགོ་ཚུགས་པའི་མཛད་སྒོར་ཞུགས་ཡོད། ཀྲུང་གོའི་ཕུའུ་ཏུང་དང་། ཅིན་ཀང་རི་བོ། ཡན་ཨན་བཅས་ཀྱི་ལས་བྱེད་པའི་སློབ་གླིང་གི་སློབ་མ་རྣམས་བརྙན་ལམ་བརྒྱུད་ནས་ཚོགས་འདུར་མཉམ་ཞུགས་བྱས་པ་རེད། །