ཞིན་ཧྭ་གསར་འགྱུར་ཁང་གིས་སྤེལ་བའི་འཕྲིན། བསྟུད་མར་ཉིན་འགའི་རིང་ལ། ཀྲུང་དབྱང་སྒྲོག་འགྲེལ་ཚོགས་པའི་ཁོངས་མི་རྣམས་སོ་སོར་མཐོ་རིམ་སློབ་གྲྭ་དང་ཧེ་ནན། བོད་ལྗོངས་སོགས་སུ་སོང་ནས། ཏང་གི་སྐབས་བཅུ་དགུ་བའི་ཀྲུང་ཨུ་ཚང་འཛོམས་གྲོས་ཚོགས་ཐེངས་ལྔ་བའི་དགོངས་དོན་སྒྲོག་འགྲེལ་བྱས་པར་མ་ཟད། གཞི་རིམ་དུ་ཟབ་ཞུགས་བྱས་ཏེ་ལས་བྱེད་མང་ཚོགས་དང་བཞུགས་མོལ་བྱས།
ཉེ་ལམ། ཀྲུང་དབྱང་སྒྲོག་འགྲེལ་ཚོགས་པའི་ཁོངས་མི། སློབ་གསོ་པུའུ་ཡི་པུའུ་ཀྲང་ཁྲིན་པའོ་ཧྲིན་གྱིས་སློབ་གསོའི་ཁོངས་གཏོགས་སུ་སྒྲོག་འགྲེལ་སྙན་ཞུ་ཕུལ། པེ་ཅིན་གྱི་ཚོགས་ར་གཙོ་བོ་དང་ཡན་ལག་ཚོགས་ར་བརྒྱ་དང་རེ་གསུམ་གྱི་དགེ་སློབ་ཁྲི་གཅིག་དང་སྟོང་བཞི་ཡིས་སྙན་ཞུ་ལ་ཉན།
ཁྲིན་པའོ་ཧྲིན་ད་རུང་ཧྲང་ཧེ་འགྲིམ་འགྲུལ་སློབ་ཆེན་དང་ཀྲུང་གོ་མི་དམངས་སློབ་ཆེན་དུ་སོང་ནས་དགེ་སློབ་རྣམས་དང་བསམ་བློ་བརྗེ་རེས་བྱས།
ཉེ་ལམ། ཀྲུང་དབྱང་སྒྲོག་འགྲེལ་ཚོགས་པའི་ཁོངས་མི། རྒྱལ་སྲིད་སྤྱི་ཁྱབ་ཁང་འཕེལ་རྒྱས་ཞིབ་འཇུག་ལྟེ་གནས་ཀྱི་ཀྲུའུ་རིན་གཞོན་པ་ཀྲང་ལེ་མེང་གིས་ཧེ་ནན་ནས་སྒྲོག་འགྲེལ་སྙན་ཞུ་ཕུལ་བར་མ་ཟད། ཏང་གི་སྐབས་བཅུ་དགུ་བའི་ཀྲུང་ཨུ་ཚང་འཛོམས་གྲོས་ཚོགས་ཐེངས་ལྔ་བའི་དགོངས་དོན་རྒྱས་བཤད་ཟབ་མོ་དང་ཁྱོན་ཡོངས་ནས་འགྲེལ་ཀློག་བྱས།
སྒྲོག་འགྲེལ་སྐབས་སུ། ཀྲང་ལེ་མེང་ད་རུང་སན་ཧྲ་གྲོང་ཁྱེར་ཡུང་ཞིན་གླིང་ཕྲན་དུ་སོང་ནས་གཞི་རིམ་ལས་བྱེད་དང་མང་ཚོགས་ལ་བཞུགས་མོལ་བརྗེ་རེས་བྱས།
ཀྲུང་དབྱང་སྒྲོག་འགྲེལ་ཚོགས་པའི་ཁོངས་མི། དམངས་སྲིད་པུའུ་ཡི་པུའུ་ཀྲང་གཞོན་པ་ཀྲན་ཁྲིན་ཧྥུའུ་ཡིས་ཉིན་ཤས་ཀྱི་སྔོན་ལ་བོད་ལྗོངས་ལྷ་ས་ནས་སྒྲོག་འགྲེལ་སྙན་ཞུ་ཕུལ་བར་མ་ཟད། ཏང་གི་སྐབས་བཅུ་དགུ་བའི་ཀྲུང་ཨུ་ཚང་འཛོམས་གྲོས་ཚོགས་ཐེངས་ལྔ་བའི་དགོངས་དོན་རྒྱས་བཤད་ཟབ་མོ་བྱས།
གྲོས་ཚོགས་ཀྱི་རྗེས་སུ། ཀྲན་ཁྲིན་ཧྥུའུ་ལྷ་ས་གྲོང་ཁྱེར་ཁྲིན་ཀོན་ཁུལ་དུ་སོང་ནས་གཞིས་ཁུལ་སྡོད་དམངས་དང་གཞི་རིམ་ལས་བྱེད་མང་ཚོགས་དང་བཞུགས་མོལ་བརྗེ་རེས་བྱས། །