ཀྲུང་གོ་བོད་ཀྱི་དྲ་བའི་འཕྲིན། ཟླ9བའི་ཚེས3ཉིན་ནི་ཀྲུང་གོ་མི་དམངས་ཀྱིས་འཇར་འགོག་དམག་འཁྲུག་དང་འཛམ་གླིང་ཧྥ་ཤི་སིར་ངོ་རྒོལ་བྱས་ནས་རྒྱལ་ཁ་བླངས་ཏེ་ལོ་འཁོར་75འཁོར་བར་རྗེས་དྲན་ཞུ་བའི་ཉིན་མོ་ཡིན། ཚེས་3ཉིན་གྱི་སྔ་དྲོར། ཀྲུང་གུང་ཀྲུང་དབྱང་སྤྱི་ཁྱབ་ཧྲུའུ་ཅི། རྒྱལ་ཁབ་ཀྱི་ཀྲུའུ་ཞི། ཀྲུང་དབྱང་དམག་དོན་ཨུ་ཡོན་ལྷན་ཁང་གི་ཀྲུའུ་ཞི་ཞི་ཅིན་ཕིང་སོགས་ཏང་དང་རྒྱལ་ཁབ་ཀྱི་མགོ་ཁྲིད་པ་རྒྱལ་སའི་རིགས་སོ་སོའི་འཐུས་ཚབ་དང་ལྷན་དུ་ཀྲུང་གོ་མི་དམངས་འཇར་འགོག་རྗེས་དྲན་ཁང་དུ་སྔོན་གཤེགས་དཔའ་བོ་ཚོར་མེ་ཏོག་གི་ཕྲེང་བ་ཕུལ།
རྒྱལ་གླུ་བླངས་ཚར་རྗེས། ཞི་ཅིན་ཕིང་སོགས་ཏང་དང་རྒྱལ་ཁབ་ཀྱི་མགོ་ཁྲིད་པས་རྒྱལ་སའི་རིགས་སོ་སོའི་འཐུས་ཚབ་དང་ལྷན་དུ་སྔོན་གཤེགས་དཔའ་བོ་ཚོར་མེ་ཏོག་གི་ཕྲེང་བ་ཕུལ། །