དམངས་སྤྱོད་མཁའ་འགྲུལ་གྱི་དུས་གཏན་གནམ་གྲུ་སླར་གསོ་ བྱུང་ཚད་རིམས་ནད་གོང་གི་བཅུ་ཆ་བརྒྱད་ཙམ་ཟིན་པ།

ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། ཟླ7པའི་ཚེས23ཉིན། དམངས་སྤྱོད་མཁའ་འགྲུལ་གྱི་དུས་གཏན་གནམ་གྲུའི་ལན་གྲངས13059ཟིན་ནས་རིམས་ནད་གོང་གི་བཅུ་ཆ་བརྒྱད་ཙམ་སླར་གསོ་ཐུབ་ཡོད་པ་དང་། འགྲུལ་པ་སྐྱེལ་འདྲེན་བྱེད་ཚད་མི་ཐེངས་ཁྲི127.28ཟིན་ནས་དུས་མཚུངས་ཀྱི་བཅུ་ཆ་བདུན་ཙམ་སླར་གསོ་བྱུང་བ་དང་། གནམ་གྲུར་འགྲུལ་པ་བཞུགས་ཚད73.57%ཟིན་ཡོད་པ་རེད།

ཟླ2པའི་ཚུན་དུ། དམངས་སྤྱོད་མཁའ་འགྲུལ་ལས་རིགས་ཡོངས་ཀྱི་འགྲུལ་པ་སྐྱེལ་འདྲེན་བྱེད་ཚད་དུས་མཚུངས་ལས་འཕར་བ་དང་། ཟླ6པར། འགྲུལ་པ་ཕྱིར་སྐྱོད་ཚད་མངོན་གསལ་དོད་པོས་མང་དུ་ཕྱིན་པར་བརྟེན། དུས་གཏན་གནམ་གྲུའི་ལས་སྒོ་མགྱོགས་མྱུར་སླར་གསོ་ཐུབ་ནས། རིགས་ཁག་གི་དུས་གཏན་གནམ་གྲུ་ཁྲི32.5འཕུར་ཐུབ་པ་བྱུང་བ་དང་། ཉིན་རེར་ཆ་སྙོམས་དུས་གཏན་གནམ་གྲུ10820ཟིན་ནས14.1%འཕར་ཡོད། འགྲུལ་པ་སྐྱེལ་འདྲེན་བྱེད་ཚད་མི་ཐེངས་ཁྲི3073.9ཟིན་ནས་ཟླ་གོང་མ་ལས་བརྒྱ་ཆའི་གྲངས10.2འཕར་བ་ནས། དུས་མཚུངས་ཀྱི་འཕར་ཚད་དེ་ཟླ་གཉིས་པ་ལས་བརྒྱ་ཆའི་གྲངས42.1འཕར་ཡོད།  །

རྩོམ་སྒྲིག་པ། མཁའ་མཚོ་སྐྱིད།