ཀྲུང་གོ་བོད་ཀྱི་དྲ་བ།

རྒྱལ་སྲིད་སྤྱི་ཁྱབ་ཁང་མཉམ་འགོག་མཉམ་འཛིན་རྐྱེན་སྲོལ་གྱིས་གསར་འགྱུར་སྒྲོག་སྤེལ་ཚོགས་འདུ་བསྡུས།

ཡོང་ཁུངས། : མཚོ་སྔོན་བོད་སྐད་རླུང་འཕྲིན།     སྤེལ་དུས། : 2020-05-08
ཡིག་གཟུགས། :ཆུང་། འབྲིང་། ཆེ།

ཞིན་ཧྭ་གསར་འགྱུར་ཁང་གི་གློག་འཕྲིན་ལྟར།  ཟླ5བའི་ཚེས7ཉིན། རྒྱལ་སྲིད་སྤྱི་ཁྱབ་ཁང་མཉམ་འགོག་མཉམ་འཛིན་རྐྱེན་སྲོལ་གྱིས་གསར་འགྱུར་སྒྲོག་སྤེལ་ཚོགས་འདུ་བསྡུས་ཏེ། ཆེས་གསར་བའི་རིམས་ནད་གནས་ཚུལ་དང་དེ་མིན་ཧུའུ་པེ་ཞིང་ཆེན་དུ་སོང་བའི་རོགས་སྐྱོར་སྨན་བཅོས་རུ་ཁག་གི་འབྲེལ་ཡོད་གནས་ཚུལ་མཚམས་སྦྱོར་བྱས།

ཟླ་ལྔ་བའི་ཚེས་དྲུག་ཉིན་གྱི་དུས་ཚོད་ཉེར་བཞིའི་བར། ཞིང་ཆེན་དང་རང་སྐྱོང་ལྗོངས། གྲོང་ཁྱེར་སོ་གཅིག་དང་ཞིན་ཅང་ཐོན་སྐྱེད་འཛུགས་སྐྲུན་དམག་ཚོགས་བཅས་ཀྱིས་བསྡོམས་པས་པྲོག་གསར་གློ་ཚད་ལ་ངོས་འཛིན་བྱས་པའི་ནད་པ་ཁྲི་བརྒྱད་དང་སྟོང་གཉིས་བརྒྱད་བརྒྱ་གྱ་ལྔ་ཡར་ཞུ་བྱས་ཤིང་། དེའི་ནང་དུ་བསྡོམས་པས་ཕྱི་ནས་ནང་ལ་མཆེད་པའི་ངོས་འཛིན་བྱས་པའི་ནད་པ་སྟོང་གཅིག་དང་དྲུག་བརྒྱ་བརྒྱད་ཅུ་ཡོད་པ་དང་། ཉིན་དེར་ངོས་བཟུང་བའི་ནད་པ་གཉིས་འཕར་སྣོན་བྱུང་ཞིང་ནད་པ་གཉིས་ཀ་ཕྱི་ནས་ནང་ལ་མཆེད་པའི་ནད་པ་རེད། ཟླ་ལྔ་བའི་ཚེས་དྲུག་ཉིན་གྱི་དུས་ཚོད་ཉེར་བཞིའི་བར། པྲོག་གསར་གློ་ཚད་ལ་ངོས་བཟུང་བའི་ནད་པ་བསྡོམས་པས་ཉིས་བརྒྱ་དང་གོ་ལྔ་ཡོད་པ་དང་། དེའི་ནང་དུ་ནད་པ་ལྗིད་མོ་ཉེར་གསུམ་ཡོད་ལ། བསྡོམས་པས་ནད་པ་ཁྲི་བདུན་དང་སྟོང་བདུན་དགུ་བརྒྱ་ང་བདུན་དྲག་སྐྱེད་བྱུང་སྟེ་སྨན་ཁང་ནས་ཕྱིར་བུད་པ་དང་ནད་པ་གཅིག་ཀྱང་ཤི་མེད། ཟླ་ལྔ་བའི་ཚེས་དྲུག་ཉིན་གྱི་དུས་ཚོད་ཐིག་ནས་དུས་ཚོད་ཉེར་བཞིའི་བར། གསོ་རིག་ཐད་ནས་བརྟག་དཔྱད་བྱེད་པའི་ནད་རྟགས་མི་མངོན་པའི་འགོས་ནད་ནད་པ་དྲུག་འཕར་སྣོན་བྱུང་བ་དང་།  གསོ་རིག་ཐད་ནས་བརྟག་དཔྱད་བྱེད་པའི་ནད་རྟགས་མི་མངོན་པའི་འགོས་ནད་ནད་པ་བསྡོམས་པས་བརྒྱད་བརྒྱ་དང་བརྒྱད་ཅུ་ཡོད་པ་དང་དེའི་ནང་དུ་ཕྱི་ནས་ནང་ལ་མཆེད་པའི་ནད་པ་གྱ་གཅིག་ཡོད།

སྒྲོག་སྤེལ་ཚོགས་འདུའི་སྟེང་། པེ་ཅིན་སློབ་ཆེན་གྱི་སྨན་ཁང་དང་པོའི་ཧུའུ་པེ་ཞིང་ཆེན་དུ་རོགས་སྐྱོར་ལ་ཕྱིན་པའི་སྨན་བཅོས་རུ་ཁག་གིས་སྨན་བཅོས་དང་མྱུར་སྐྱོབ་བྱ་བའི་གནས་ཚུལ་མཚམས་སྦྱོར་བྱས། །

རྩོམ་སྒྲིག་པ། : ཚེ་མཁར་རྒྱལ།