ཀྲུང་གོ་བོད་ཀྱི་དྲ་བ།

རྒྱལ་སྲིད་སྤྱི་ཁྱབ་ཁང་མཉམ་འགོག་མཉམ་འཛིན་རྐྱེན་སྲོལ་གྱིས་གསར་འགྱུར་སྒྲོག་སྤེལ་ཚོགས་འདུ་བསྡུས།

ཡོང་ཁུངས། : མཚོ་སྔོན་བོད་སྐད་རླུང་འཕྲིན།     སྤེལ་དུས། : 2020-04-23
ཡིག་གཟུགས། :ཆུང་། འབྲིང་། ཆེ།

ཞིན་ཧྭ་གསར་འགྱུར་ཁང་གི་གློག་འཕྲིན་ལྟར།  ཟླ4པའི་ཚེས22ཉིན། རྒྱལ་སྲིད་སྤྱི་ཁྱབ་ཁང་མཉམ་འགོག་མཉམ་འཛིན་རྐྱེན་སྲོལ་གྱིས་གསར་འགྱུར་སྒྲོག་སྤེལ་ཚོགས་འདུ་བསྡུས་ཏེ། ཆེས་གསར་བའི་རིམས་ནད་གནས་ཚུལ་དང་དེ་མིན་དངུལ་ཁང་ཁྲལ་དངུལ་བརྟེན་ནས་ཁེ་ལས་ཆུང་བའི་ལས་ཐོན་སླར་གསོ་བྱེད་པར་རོགས་འདེགས་བྱས་པའི་གནས་ཚུལ་མཚམས་སྦྱོར་བྱས།

ཟླ་བཞི་བའི་ཚེས་ཉེར་གཅིག་ཉིན་གྱི་དུས་ཚོད་ཉེར་བཞིའི་བར་དུ་ཞིང་ཆེན་དང་རང་སྐྱོང་ལྗོངས། གྲོང་ཁྱེར་སོ་གཅིག་དང་ཞིན་ཅང་ཐོན་སྐྱེད་དམག་ཚོགས་བཅས་ཀྱིས་རིམས་ནད་ངོས་འཛིན་བྱས་པའི་ནད་པ་ཁྲི་བརྒྱད་དང་སྟོང་གཉིས་བདུན་བརྒྱ་གྱ་བརྒྱད་ཡར་ཞུ་བྱས་ཤིང་། དེའི་ནང་དུ་ཕྱི་ནས་ནང་ལ་མཆེད་པའི་ནད་པ་སྡོམ་པས་སྟོང་གཅིག་དང་དྲུག་བརྒྱ་བཅུ་ཡོད། ཉིན་དེར་ངོས་འཛིན་བྱས་པའི་ནད་པ་སུམ་ཅུ་འཕར་སྣོན་བྱུང་བ་དང་དེའི་ནང་དུ་ཕྱི་ནས་ནང་ལ་མཆེད་པའི་ནད་པ་ཉེར་གསུམ་ཡོད་ལ། ས་གནས་ཀྱི་ནད་པ་བདུན་ཡོད། ཟླ་བཞི་བའི་ཚེས་ཉེར་གཅིག་ཉིན་གྱི་དུས་ཚོད་ཐིག་ནས་དུས་ཚོད་ཉེར་བཞིའི་བར་ཧུའུ་པེ་ཞིང་ཆེན་དུ་རིམས་ནད་ངོས་འཛིན་བྱས་པའི་ནད་པ་མ་བྱུང་བ་དང་དོགས་ཡོད་ནད་པ་ཡང་མ་བྱུང་། ཟླ་བཞི་བའི་ཚེས་ཉེར་གཅིག་ཉིན་གྱི་དུས་ཚོད་ཉེར་བཞིའི་བར་ད་ལྟ་ཕྱི་ནས་ནང་ལ་མཆེད་པའི་ནད་པ་བརྒྱད་བརྒྱ་དང་བཅུ་གཅིག་ཡོད་པ་དང་དེའི་ནང་དུ་ནད་པ་ལྗིད་མོ་ཞེ་གཅིག་ཡོད། སྡོམ་པས་ནད་པ་བདུན་བརྒྱ་དང་གོ་དགུ་དྲག་སྟེ་སྨན་ཁང་ནས་ཕྱིར་བུད་པ་དང་རྐྱེན་ལམ་དུ་ཤོར་བའི་ནད་པ་གཅིག་ཀྱང་མེད།

རྒྱལ་ཁབ་ཁྲལ་དོན་སྤྱི་ཁྱབ་ཅུའུ་དང་དངུལ་ཁང་འགན་སྲུང་ལྟ་སྐུལ་ཚོགས་པ་གཉིས་ཀྱིས་དངུལ་ཁང་ཁྲལ་དངུལ་ཐད་ནས་ཁེ་ལས་ཆུང་བའི་ལས་ཐོན་སླར་གསོ་བྱེད་པར་རོགས་འདེགས་བྱས་པའི་གནས་ཚུལ་མཚམས་སྦྱོར་བྱས། །

རྩོམ་སྒྲིག་པ། : ཚེ་མཁར་རྒྱལ།