ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། ཟླ3པའི་ཚེས30ཉིན། སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་ཀྲེ་ཅང་ཞིང་ཆེན་ཨན་ཅི་རྫོང་ཐེན་ཧོང་ཕིང་གྲོང་རྡལ་ཡུས་གྲོང་ཚོར་རྟོག་ཞིབ་མཛད་དེ། བྱམས་བརྩེའི་ངང་གྲོང་མི་ཚོར་བཀའ་མོལ་གནང་སྟེ། གྲོང་ཚོ་འདིའི་ལོ་དུ་མའི་རིང་ལ“ རི་སྔོ་ཆུ་དྭངས་ནི་གསེར་རི་དངུལ་རི་ཡིན”ཅེས་པའི་འདུ་ཤེས་ལག་བསྟར་དང་ལྗང་མདོག་འཕེལ་རྒྱས་ལ་སྐུལ་འདེད་གཏོང་བའི་ཐད་འགྱུར་ལྡོག་ཆེན་པོ་བྱུང་བའི་གནས་ཚུལ་ལ་རྒྱུས་ལོན་བྱས་པ་རེད། དེ་རྗེས། ཞི་ཅིན་ཕིང་ཨན་ཅི་རྫོང་གི་སྤྱི་ཚོགས་འགལ་ཟླ་དང་རྩོད་གཞི་འདུམ་འགྲིག་ཐག་གཅོད་ལྟེ་གནས་སུ་བརྟག་ཞིབ་གནང་བར་ཕེབས་ནས་གཞི་རིམ་གྱི་འགལ་ཟླ་དང་རྩོད་གཞི་འདུམ་འགྲིག་ལས་དོན་སྤེལ་ཚུལ་ལ་རྒྱུས་ལོན་བྱས། །
