རྒྱལ་ཁབ་འཕྲོད་བསྟེན་བདེ་ཐང་ཨུ་ལྷན་གྱིས་ཟླ2ཚེས3ཉིན་ནད་གཞི་གཏན་འཁེལ་བྱས་པའི་ནད་དཔེ3235ཇེ་མང་དུ་ཕྱིན་ནས་ཉིན་དེའི་ཆུ་ཚོད24བར་རིམ་རྩིས་བྱས་ན་སྨན་ཁང་ནས་ཕྱིར་བུད་པའི་ནད་དཔེ632ཡོད་པར་བསྒྲགས།

 ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། ཟླ2པའི་ཚེས3ཉིན་གྱི་ཆུ་ཚོད0ནས24བར་ཞིང་ཆེན(རང་སྐྱོང་ལྗོངས་དང་ཐད་གཏོགས་གྲོང་ཁྱེར)31དང་ཤིན་ཅང་ཐོན་སྐྱེད་འཛུགས་སྐྲུན་དམག་དཔུང་བཅས་ཀྱི་སྙན་ཞུའི་ནང་། གསར་ཏུ་གཏན་འཁེལ་བྱས་པའི་ནད་དཔེ3235(ཧུའུ་པེ་ཞིང་ཆེན་ལ་ནད་དཔེ2345)ཇེ་མང་དུ་ཕྱིན་པ་དང་ནད་དཔེ་ཚབས་ཆེན492(ཧུའུ་པེ་ཞིང་ཆེན་ལ་ནད་དཔེ་442)ཇེ་མང་དུ་ཕྱིན་ལ། ནད་ཀྱིས་ཤི་བའི་ནད་པ64(ཧུའུ་པེ་ཞིང་ཆེན་ལ་ནད་དཔེ64)མང་དུ་ཕྱིན་ཡོད། སྨན་ཁང་ནས་ཕྱིར་བུད་པའི་ནད་དཔེ157(ཧུའུ་པེ་ཞིང་ཆེན་ལ་ནད་དཔེ101)ཇེ་མང་དུ་སོང་། དོགས་ཡོད་ནད་དཔེ5072(ཧུའུ་པེ་ཞིང་ཆེན་ལ་ནད་དཔེ318182)མང་དུ་ཕྱིན་པ་རེད།

ཟླ2པའི་ཚེས3ཉིན་གྱི་ཆུ་ཚོད24བར་རྒྱལ་ཁབ་འཕྲོད་བསྟེན་བདེ་ཐང་ཨུ་ལྷན་གྱིས་ཞིང་ཆེན(རང་སྐྱོང་ལྗོངས་དང་ཐད་གཏོགས་གྲོང་ཁྱེར)31དང་ཤིན་ཅང་ཐོན་སྐྱེད་འཛུགས་སྐྲུན་དམག་དཔུང་བཅས་ནས་རིམ་རྩིས་བྱས་ན་གཏན་འཁེལ་བྱས་པའི་ནད་དཔེ20438(ཧེ་ལུང་ཅང་ཞིང་ཆེན་དུ་ནད་དཔེ2ཉུང་དུ་ཕྱིན་པ)ཡོད་པ་སྙན་ཞུ་འབྱོར་ཞིང་། ད་ཆ་ནད་གཞི་ལྕི་མོ་ཕོག་པའི་ནད་དཔེ2788ཡོད་ལ། རིམ་རྩིས་བྱས་ན་ནད་ཀྱིས་ཤི་བའི་ནད་པ425དང་། བསྡོམས་པས་སྨན་ཁང་ནས་ཕྱིར་བུད་པའི་ནད་དཔེ632ཡོད་པ་དང་། དོགས་ཡོད་ནད་དཔེ23214ཡོད་པ་རེད།

མིག་སྔར། རིམ་རྩིས་བྱས་ན་ནད་པ་དང་འབྲེལ་འདྲིས་ཟབ་པའི་མི221015ལ་རྗེས་སྙེག་ཐུབ་པ་བྱུང་བ་དང་། ཉིན་དེར་གསོ་རིག་ལྟ་ཞིབ་ལས་གྲོལ་བའི་མི་སྣ12755དང་། ད་ཆ་མི171329ལ་གསོ་རིག་ལྟ་ཞིབ་བྱེད་བཞིན་པའི་སྒང་རེད།

 རིམ་རྩིས་བྱས་ན་ཤང་ཀང་དང་། ཨའོ་མོན། ཐའེ་ཝན་བཅས་ས་ཁུལ་གྱི་བརྡ་ཁྱབ་ནང་གཏན་འཁེལ་བྱས་པའི་ནད་དཔེ33འབྱོར་བ་སྟེ། ཤང་ཀང་དམིགས་བསལ་སྲིད་འཛིན་ཁུལ་ལ་ནད་དཔེ15དང་། ཨའོ་མོན་དམིགས་བསལ་སྲིད་འཛིན་ཁུལ་ལ་ནད་དཔེ8། ཐའེ་ཝན་ས་ཁུལ་ལ་ནད་དཔེ་10བཅས་ཡོད་པ་རེད། ། (མཁའ་འགྲོ་ཚེ་བརྟན་གྱིས་བསྒྱུར།)

རྩོམ་སྒྲིག་པ། མཁའ་འགྲོ་ཚེ་བརྟན།

དཔྱད་མཆན 0 ཡོད།