ཧའེ་ནན་གླིང་ཕྲན་གྱི་རྒྱལ་སྤྱིའི་གློག་བརྙན་དུས་ཆེན་སྟེང་པད་མ་ཚེ་བརྟན་གྱིས་འཁྲབ་ཁྲིད་བྱས་པའི《དབུགས་ལྒང》ལ་ཆེས་བཟང་བའི་གློག་བརྙན་གྱི་བྱ་དགའ་ཐོབ་པ།

ཀྲུང་གོ་བོད་ཀྱི་དྲ་བའི་འཕྲིན། ཟླ་12ཚེས་8ཉིན་གྱི་དགོང་མོར་སྐབས་གཉིས་པའི་ཧའེ་ནན་གླིང་ཕྲན་གྱི་རྒྱལ་སྤྱིའི་གློག་བརྙན་དུས་ཆེན་གསེར་གྱི་བེ་ཏའི་བྱ་དགའ་ཐོབ་པའི་མིང་ཐོ་ཆ་ཚང་བཏོན་པ་རེད། ཝང་ལི་ནཱས《ཐེངས་དང་པོའི་ཁ་གྱེས》ལ་བརྟེན་ནས་འཁྲབ་ཁྲིད་པ་ཡག་ཤོས་ཀྱི་བྱ་དགའ་ཐོབ་པ་དང་པད་མ་ཚེ་བརྟན་གྱིས་འཁྲབ་ཁྲིད་བྱས་པའི《དབུགས་ལྒང》ལ་གློག་བརྙན་ཡག་ཤོས་ཀྱི་བྱ་དགའ་ཐོབ་པ་མ་ཟད། བསོད་ནམས་དབང་མོར《དབུགས་ལྒང》ལ་བརྟེན་ནས་བུད་མེད་འཁྲབ་སྟོན་པ་ཡག་ཤོས་ཀྱི་བྱ་དགའ་ཐོབ་པ་རེད། །