ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། ཟླ4ཚེས23ཉིན། རྒྱལ་ཁབ་ལྟ་ཞིབ་ཨུ་ལྷན་ཀྲུང་དབྱང་སྒྲིག་ཨུད་དྲ་ཚིགས་ཐོག་གནས་ཚུལ་སྤེལ་བར་གཞིགས་ན། 2018ལོའི་ཟླ3པར་རྒྱལ་ཡོངས་སུ་ཀྲུང་དབྱང་གི་གཏན་འབེབས་དོན་ཚན་བརྒྱད་ཀྱི་དགོངས་དོན་ལས་འགལ་བའི་གནད་དོན3516ཞིབ་བཤེར་ཐག་གཅོད་བྱས་པ་བརྒྱུད། མི4910ལ་ཐག་གཅོད་བྱས་པ་དང་མི3473ལ་ཏང་གི་སྒྲིག་ཁྲིམས་ཀྱི་སྲིད་དོན་ཆད་པ་བཅད་ཡོད་པ་རེད།
རྒྱལ་ཡོངས་སུ་ཀྲུང་དབྱང་གི་གཏན་འབེབས་དོན་ཚན་བརྒྱད་ཀྱི་དགོངས་དོན་ལག་བསྟར་དོན་འཁྱོལ་གྱི་གནས་ཚུལ་ཤེས་རྟོགས་བྱ་ཆེད། ཀྲུང་དབྱང་སྒྲིག་ཨུད་ཀྱིས་ཞིང་ཆེན་དང་རང་སྐྱོང་ལྗོངས། གྲོང་ཁྱེར། ཤིན་ཅང་ཐོན་སྐྱེད་འཛུགས་སྐྲུན་པིང་ཐོན། ཀྲུང་དབྱང་དང་རྒྱལ་ཁབ་ལས་ཁུངས་ཁག ཀྲུང་དབྱང་ཁེ་ལས་དང་ཀྲུང་དབྱང་གི་དངུལ་རྩའི་ཁེ་ལས་སོགས་སུ་ཀྲུང་དབྱང་གི་གཏན་འབེབས་དོན་ཚན་བརྒྱད་ཀྱི་དགོངས་དོན་དོན་འཁྱོལ་བྱས་ཚུལ་ཟླ་རེར་སྙན་ཞུའི་ལམ་ལུགས་བཙུགས་ཡོད་པ་རེད།
ཟླ3པའི་ཞིབ་བཤེར་ཐག་གཅོད་བྱས་པའི་གནད་དོན3516གི་ནང་དུ། གཏན་འབེབས་ལས་འགལ་ནས་ཕོགས་སྣོན་དང་ཁ་གསབ་བྱེད་པ807དང་གཏན་འབེབས་ལས་འགལ་ནས་ལག་རྟགས་ལེན་སྤྱོད་པ600གཏན་འབེབས་ལས་འགལ་ནས་གཞུང་སྤྱོད་རླངས་འཁོར་སྒེར་སྤྱོད་པ574གཏན་འབེབས་ལས་འགལ་ནས་གཞུང་དངུལ་སྤྱད་དེ་བཟའ་བཏུང་བྱེད་པ453གཉེན་སྒྲིག་གི་མཛད་སྒོ་རྒྱ་ཆེར་གཉེར་བ426ཚད་གཞི་ལས་བརྒལ་བའི་སྣེ་ལེན་མཁོ་འདོན་དང་དང་ལེན་བྱེད་པ་དང་། ཡང་ན་གཞུང་དངུལ་སྤྱད་དེ་འཛད་སྤྱོད་མཐོ་བའི་རོལ་རྩེད་ལུས་སྦྱོང་བྱེད་སྒོའི་ནང་ཞུགས་པ། གཏན་འབེབས་ལས་འགལ་ནས་མི་སྒེར་གྱི་འདུ་གནས་སུ་འགྲོ་བ། འགོ་ཁྲིད་ལས་བྱེད་པའི་སྡོད་ཁང་གཏན་འབེབས་ལས་འགལ་བ། གཏན་འབེབས་ལས་འགལ་ནས་དོ་དམ་ཞབས་ཞུ་བྱ་ཡུལ་གྱིས་གསོལ་སྟོན་བཤམས་པ་སོགས་ཀྱི་གནད་དོན345གཞུང་དངུལ་སྤྱད་དེ་རྒྱལ་ནང་དུ་ཡུལ་སྐོར་སྐྱོད་པ167སྣེ་ལེན་ཁང་གི་གཏན་འབེབས་ལས་འགལ་བའི་གནད་དོན134གཞུང་དངུལ་སྤྱད་ནས་ཕྱི་རྒྱལ་དུ་ཡུལ་སྐོར་སྐྱོད་པ10ཀྲུང་དབྱང་གི་གཏན་འབེབས་དོན་ཚན་བརྒྱད་ཀྱི་དགོངས་དོན་ལས་འགལ་བའི་དབང་གིས་ཏང་གི་སྒྲིག་ཁྲིམས་ཀྱི་སྲིད་དོན་ཆད་པ་བཅད་པའི་ལས་བྱེད་པའི་ཁྲོད་ས་ཁུལ་དང་ཐིང་རིམ་པའི་མི58དང་། རྫོང་དང་ཁྲུའུ་རིམ་པའི་ལས་བྱེད་པ405ཤང་དང་ཁོའོ་རིམ་པ་དང་དེ་མན་གྱི་མི3010བཅས་ཡོད་པ་རེད། །