ཀྲུང་གོ་བོད་ཀྱི་དྲ་བ།

ཀྲུང་དབྱང་ཁོར་ཡུག་ལྟ་ཞིབ་རེས་ཐེངས་བཞི་པ་གཤམ་སྤྱོད་མཇུག་སྒྲིལ་ཞིང་མི་གྲངས4000ལྷག་ཙམ་གྱི་འགན་འཁྲི་རྩད་གཅོད་བྱས།

ཡོང་ཁུངས། : མི་དམངས་དྲ་བ།     སྤེལ་དུས། : 2017-09-07
ཡིག་གཟུགས། :ཆུང་། འབྲིང་། ཆེ།

མི་དམངས་དྲ་བའི་འཕྲིན། ཟླ9བའི་ཚེས4ཉིན། ཀྲུང་དབྱང་ཁོར་ཡུག་ལྟ་ཞིབ་རེས་ཐེངས་བཞི་པའི་ལྟ་སྐུལ་ཚོ་ཆུང8ཀྱིས་ཅི་ལིན་དང་། ཀྲེ་ཅང་། ཧྲན་ཏུང་། ཧའེ་ནན། བོད་ལྗོངས། མཚོ་སྔོན། ཞིན་ཅང(འཛུགས་སྐྲུན་དཔུང་ཚོགས)སོགས་ཞིང་ཆེན(རང་སྐྱོང་ལྗོངས)བཅས་སུ་གཤམ་སྤྱོད་བྱེད་འགན་འགྲུབ་ཅིང་། མི་གྲངས2914འགུག་འབོད་གླེང་མོལ་བྱས་པ་དང་། མི་གྲངས4129ཡི་འགན་འཁྲི་རྩད་གཅོད་བྱས་པ་རེད། 

ཟླ9བའི་ཚེས4ཉིན་བར་དུ་ལྟ་ཞིབ་ཚོ་ཆུང8ལ་ཁྱོན་བསྡོམས་མང་ཚོགས་ཀྱི་ཐེར་འདོན་བྱས་གྲངས44134འབྱོར་བ་དང་། རིམ་པར་བརྩིས་ན། ལྟ་ཞིབ་བྱེད་ཡུལ་ས་གནས་ལ་ཐག་གཅོད་བྱེད་བྱར་སྤྲད་གྲངས29189ཟིན་ཡོད། ལྟ་སྐུལ་བྱ་ཡུལ་ས་གནས་ཀྱིས18565ཐག་གཅོད་བྱས་ཟིན་པ་དེའི་ནང་གྱོད་ཐོ་རུ་བཀོད་དེ་ཐག་གཅོད་བྱས་གྲངས་བྱས་མི5625ཟིན་པ་དང་། དངུལ་ཆད་སྒོར་དུང་ཕྱུར་2.8བཅད་ཡོད། གྱོད་ཐོ་བཀོད་དེ་མྱུལ་ཞིབ་བྱས་གྲངས226ཟིན་པ་དང་། བཀག་ཉར་བྱས་མི285ཟིན་ཡོད། མི་གྲངས2914འགུག་འབོད་གླེང་མོལ་བྱས་པ་དང་། མི་གྲངས4129ལ་འགན་འཁྲི་བདའ་འདེད་བྱས་ཡོད། དེའི་ནང་ནས་སི་སི་ཁྲོན་ཞིང་ཆེན་དུ་འགན་འཁྲི་བདའ་འདེད་བྱས་མི་མང་ཤོས་ཟིན་ཏེ། མི་གྲངས1020ཟིན་ཡོད། དེ་ནས་ཧྲན་ཏུང་ཞིང་ཆེན་དུ་འགན་འཁྲི་བདའ་འདེད་བྱས་མི899ཟིན་ཡོད། དེ་མིན་རིམ་པར་ཞིན་ཅང(དཔུང་ཚོགས་ཚུད)ལ་མི་གྲངས846དང་། ཅི་ལིན་དུ་མི་གྲངས771། ཀྲེ་ཅང་དུ་མི་གྲངས266། མཚོ་སྔོན་དུ་མི་གྲངས159། བོད་ལྗོངས་སུ་མི་གྲངས91། ཧའེ་ནན་དུ་མི་གྲངས59བཅས་ཡིན་པ་རེད།   །

རྩོམ་སྒྲིག་པ། : མཁའ་མཚོ་སྐྱིད།