ཀྲུང་གོ་བོད་ཀྱི་དྲ་བ།

རང་རྒྱལ་གྱི་སྣུམ་རླངས་ཐོན་ཁུངས་རྩད་ཞིབ་ཐད་ཚད་བརྒལ་ཆེན་པོ་བྱུང་བ།

ཡོང་ཁུངས། : མི་དམངས་ཉིན་རེའི་ཚགས་པར།     སྤེལ་དུས། : 2017-08-21
ཡིག་གཟུགས། :ཆུང་། འབྲིང་། ཆེ།

ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། 2012ལོ་ནས2016ལོ་བར་རྒྱལ་ཡོངས་ཀྱི་སྣུམ་རླངས་ཐོན་ཁུངས་རྩད་ཞིབ་ཐད་ཚད་བརྒལ་ཆེན་པོ་བྱུང་ནས་རྡོ་སྣུམ་གསོག་ཚད་མུ་མཐུད་མང་དུ་ཕྱིན་ཏེ་ཏུན་དུང་ཕྱུར་རིམ་པའི་སྣུམ་ཞིང་ཁྱོན་10རྩད་གཅོད་ཐུབ་ཡོད། རང་བྱུང་སོལ་རླངས་གསོག་ཚད་མགྱོགས་མྱུར་འཕར་ནས་སོལ་རླངས་ཁྱོན་རྒྱ་དཔངས་གྲུ་བཞི་མ་དུང་ཕྱུར་སྟོང་ཟིན་པའི་རླངས་ཞིང་13རྩད་གཅོད་ཐུབ་ཡོད།

ཐོན་ཚད་ཐད་ལོ་ལྔའི་རིང་རྒྱལ་ཡོངས་ཀྱི་མ་བཅོས་རྡོ་སྣུམ་ཐོན་ཚད་ཅུང་བརྟན་པོ་ཡིན་པ་དེས་ལོར་ཆ་སྙོམས་ཐོན་ཚད་ཏུན་དུང་ཕྱུར་2ལས་བརྒལ་ནས་མ་བཅོས་རྡོ་སྣུམ་ཐོན་སྐྱེད་བྱེད་ཚད་ཁྱོན་ཏུན་དུང་ཕྱུར་10.42ཟིན་ཡོད། རང་བྱུང་སོལ་རླངས་ཀྱི་ཐོན་ཚད་མགྱོགས་མྱུར་འཕར་ནས་ལོར་ཆ་སྙོམས་ཐོན་ཚད་སྨི་རྒྱ་དཔངས་གྲུ་བཞི་མ་དུང་ཕྱུར་1200ཙམ་ཟིན་པ་དང་། ལོ་ལྔའི་ནང་རང་བྱུང་སོལ་རླངས་སྨི་རྒྱ་དཔངས་གྲུ་བཞི་མ་དུང་ཕྱུར་5960ཐོན་སྐྱེད་བྱས་པ་དེ་འཛམ་གླིང་གི་ཨང་18ནས་ཨང་6པར་སླེབས་ཡོད།
ཤེས་རྟོགས་བྱུང་བར་གཞིགས་ན། རྒྱལ་ཁབ་རིམ་པའི་རང་བྱུང་སྲུང་སྐྱོང་ཁུལ་ནང་གི་སྣུམ་རླངས་འཚོལ་ཞིབ་དབང་ཆར་གསེད་བཀྲོལ་དང་ཞིབ་བཤེར་རགས་ཙམ་བྱས་པ་བརྒྱུད་སྣུམ་རླངས་འཚོལ་ཞིབ་དབང་ཆ་22ཕྱིར་འཐེན་བྱས་པའི་སྲུང་སྐྱོང་ཁུལ་གྱི་རྒྱ་ཁྱོན་སྟོང་སྨི་ངོས་གྲུ་6586ཟིན་ཡོད། 2016ལོར་རྒྱལ་ཡོངས་ཀྱི་རྩད་ཞིབ་ཁུལ་ཧྲིལ་པོ་ལེགས་སྒྲིག་བྱས་ནས་རྒྱལ་ཁབ་རིམ་པའི་རང་བྱུང་སྲུང་སྐྱོང་ཁུལ་དང་སྣོལ་བརྩེགས་ཡིན་པའི་རྒྱ་ཁྱོན་སྟོང་སྨི་ངོས་གྲུ་ཁྲི་3.2ཕྱིར་འཐེན་བྱས་ཡོད་པ་རེད།

རྩོམ་སྒྲིག་པ། : ཚེ་མཁར་རྒྱལ།