ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། ཟླ་བརྒྱད་པའི་ཚེས་དྲུག་ཉིན་ཞིན་ཧྭ་གསར་འགྱུར་ཁང་གིས«བློ་མཐུན་ཞི་ཅིན་ཕིང་སྲོག་ཤིང་ཡིན་པའི་ཏང་ཀྲུང་དབྱང་གིས་ནང་སོག་གི་འཕེལ་རྒྱས་ལ་སེམས་ཁུར་བྱས་པའི་དངོས་བྲིས»འགྲེམ་སྤེལ་བྱས།
«རྩོམ་ཡིག་»ནང་ཏང་གི་ཚོགས་ཆེན་ཐེངས་བཅོ་བརྒྱད་པའི་ཚུན་ལ་བློ་མཐུན་ཞི་ཅིན་ཕིང་སྲོག་ཤིང་ཡིན་པའི་ཏང་ཀྲུང་དབྱང་གིས་མཐོང་རྒྱ་ཆེ་ཞིང་མིག་རྒྱང་རིང་ཞིང་ཁྱོན་ཡོངས་ལ་རྐང་ཚུགས་ཏེ་ནང་སོག་གི་དཔལ་འབྱོར་དང་སྤྱི་ཚོགས་འཕེལ་རྒྱས་སུ་གཏོང་བར་འཐབ་ཇུས་རང་བཞིན་གྱི་ཇུས་འགོད་གཏན་ལ་ཕབ་པར་མ་ཟད། སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་སེམས་ལ་རྩྭ་ཐང་གི་མི་དམངས་བཅངས་པ་དང། ནང་སོག་གི་དཔལ་འབྱོར་གྱི་ཚུལ་སྒྱུར་འཕེལ་རྒྱས་དང་དམངས་ཚིས་ལེགས་བཅོས་བྱེད་པར་མཐོང་ཆེན་བྱས་ཤིང་། ནང་སོག་གིས་སྐྱེ་ཁམས་དཔལ་ཡོན་འཛུགས་སྐྲུན་བཟང་བོ་བྱེད་པ་དང་མི་རིགས་མཐུན་སྒྲིལ་གྱི་གནས་བབ་བཟང་བོ་ཇེ་བརྟན་དུ་གཏོང་བར་མཛུབ་སྟོན་བྱས་པའི་ལོ་རྒྱུས་ལ་སྤྱི་བསྡོམས་བྱས་ཡོད།