ཟླ་ལྔ་བའི་ཚེས་སོ་གཅིག་ཉིན། ཀྲུང་གོ་ཚན་རྩལ་མཐུན་ཚོགས་རྒྱལ་ཡོངས་འཐུས་མིའི་ཚོགས་ཆེན་ཐེངས་དགུ་བའི་ཚང་འཛོམས་གྲོས་ཚོགས་ཐེངས་གསུམ་པ་མི་དམངས་ཚོགས་ཁང་ཆེན་མོའི་ནང་བསྡུས། ཀྲུང་གུང་ཀྲུང་དབྱང་ཆབ་སྲིད་ཅུའུ་ཡི་རྒྱུན་ལས་ཨུ་ཡོན། ཀྲུང་དབྱང་ཧྲུའུ་ཅི་ཁྲུའུ་ཡི་ཧྲུའུ་ཅི་ལིག་ཡུན་ཧྲན་གྲོས་ཚོགས་སུ་ཞུགས་ཏེ་རྟེན་འབྲེལ་ཞུས་པར་མ་ཟད། ཏང་ཀྲུང་དབྱང་གི་ཚབ་མཛད་དེ་ཁ་ཡིག་ལ་ཚན་རྩལ་བྱ་བ་སྒྲུབ་མཁན་རྣམས་གསར་གཏོད་འཕེལ་རྒྱས་ཀྱི་དུས་རབས་ཀྱི་གདོང་ལེན་པ་བྱེད་དགོས་ཞེས་པའི་ཞུ་ཚིག་ཕུལ།
ཟླ་ལྔ་བའི་ཚེས་སོ་གཅིག་ཉིན། ཀྲུང་གོ་ཚན་རྩལ་མཐུན་ཚོགས་རྒྱལ་ཡོངས་འཐུས་མིའི་ཚོགས་ཆེན་ཐེངས་དགུ་བའི་ཚང་འཛོམས་གྲོས་ཚོགས་ཐེངས་གསུམ་པ་མི་དམངས་ཚོགས་ཁང་ཆེན་མོའི་ནང་བསྡུས། ཀྲུང་གུང་ཀྲུང་དབྱང་ཆབ་སྲིད་ཅུའུ་ཡི་རྒྱུན་ལས་ཨུ་ཡོན། ཀྲུང་དབྱང་ཧྲུའུ་ཅི་ཁྲུའུ་ཡི་ཧྲུའུ་ཅི་ལིག་ཡུན་ཧྲན་གྲོས་ཚོགས་སུ་ཞུགས་ཏེ་རྟེན་འབྲེལ་ཞུས་པར་མ་ཟད། ཏང་ཀྲུང་དབྱང་གི་ཚབ་མཛད་དེ་ཁ་ཡིག་ལ་ཚན་རྩལ་བྱ་བ་སྒྲུབ་མཁན་རྣམས་གསར་གཏོད་འཕེལ་རྒྱས་ཀྱི་དུས་རབས་ཀྱི་གདོང་ལེན་པ་བྱེད་དགོས་ཞེས་པའི་ཞུ་ཚིག་ཕུལ།
ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། ཀྲུང་གོ་ཚན་རྩལ་མཐུན་ཚོགས་རྒྱལ་ཡོངས་འཐུས་མིའི་ཚོགས་ཆེན་ཐེངས་དགུ་བའི་ཚང་འཛོམས་གྲོས་ཚོགས་ཐེངས་གསུམ་པ་ཟླ་ལྔ་བའི་ཚེས་སོ་གཅིག་ཉིན་གྱི་སྔ་དྲོར་མི་དམངས་ཚོགས་ཁང་ཆེན་མོའི་ནང་བསྡུས། ཀྲུང་གུང་ཀྲུང་དབྱང་ཆབ་སྲིད་ཅུའུ་ཡི་རྒྱུན་ལས་ཨུ་ཡོན། ཀྲུང་དབྱང་ཧྲུའུ་ཅི་ཁྲུའུ་ཡི་ཧྲུའུ་ཅི་ལིག་ཡུན་ཧྲན་གྲོས་ཚོགས་སུ་ཞུགས་ཏེ་རྟེན་འབྲེལ་ཞུས་པར་མ་ཟད། ཏང་ཀྲུང་དབྱང་གི་ཚབ་མཛད་དེ་ཁ་ཡིག་ལ་ཚན་རྩལ་བྱ་བ་སྒྲུབ་མཁན་རྣམས་གསར་གཏོད་འཕེལ་རྒྱས་ཀྱི་དུས་རབས་ཀྱི་གདོང་ལེན་པ་བྱེད་དགོས་ཞེས་པའི་ཞུ་ཚིག་ཕུལ།
ལིག་ཡུན་ཧྲན་གྱིས་ཞུ་ཚིག་ནང་བསྟན་དོན། སྤྱི་ཁྱབ་ཧྲུའུ་ཅི་ཞི་ཅིན་ཕེན་གྱིས་རྒྱལ་ཡོངས་ཚན་རྩལ་གསར་གཏོད་ཚོགས་ཆེན་དང་ཀྲུང་གོ་ཚན་རིག་གླིང་དང་ཀྲུང་གོ་བཟོ་སྐྲུན་གླིང་གི་ཚོགས་ཆེན། ཀྲུང་གོ་ཚན་རྩལ་མཐུན་ཚོགས་རྒྱལ་ཡོངས་འཐུས་མིའི་ཚོགས་ཆེན་ཐེངས་དགུ་བ་བཅས་ཀྱི་སྟེང་གནང་བའི་གསུང་བཤད་གལ་ཆེན་ལས་ཚན་རྩལ་གསར་གཏོད་ཀྱི་མིའི་རིགས་སྤྱི་ཚོགས་ཡར་ཐོན་ཡོང་བའི་ཁྲོད་ཀྱི་གོ་གནས་གལ་ཆེན་རྒྱས་བཤད་ཟབ་མོ་བྱས་པར་མ་ཟད། རང་རྒྱལ་གྱི་ཚན་རྩལ་གསར་གཏོད་ལ་སྐུལ་འདེད་གཏོང་བའི་འཐབ་ཇུས་དམིགས་འབེན་དང་ལས་འགན་གཙོ་བོ། གཞི་རྩའི་རེ་བ་བཅས་གོ་རིམ་ལྡན་པའི་ངང་རྒྱས་བཤད་བྱས་ཏེ། ལོ་རྒྱུས་ཀྱི་མགོ་ཚུགས་ས་གསར་བ་ནས་རང་རྒྱལ་གྱི་ཚན་རྩལ་ལས་དོན་གྱི་མཆོང་སྐྱོད་ཀྱི་འཕེལ་རྒྱས་མངོན་འགྱུར་བྱེད་པར་ཁ་ཕྱོགས་གསལ་བོ་བསྟན་ཡོད་པས། ང་ཚོས་དེར་སློབ་སྦྱོང་ནན་མོ་དང་གོ་བ་ཟབ་མོ་ལེན་དགོས་པར་མ་ཟད། གསུང་བཤད་ཀྱི་དགོངས་དོན་གྱིས་ཚན་རྩལ་གསར་གཏོད་དང་ཚན་རྩལ་མཐུན་ཚོགས་ཀྱི་དོན་དངོས་ཀྱི་བྱ་བར་མཛུབ་སྟོན་བྱེད་དགོས་ཟེར།
ལིག་ཡུན་ཧྲན་གྱིས་ནན་གྱིས་གསུངས་རྒྱུར། རྒྱ་ཆེའི་ཚན་རྩལ་བྱ་བ་སྒྲུབ་མཁན་གྱིས་བརྒྱ་ལོ་གཉིས་ཀྱི་འབད་འཐབ་དམིགས་འབེན་མངོན་འགྱུར་བྱེད་པ་དང་། ཀྲུང་ཧྭ་མི་རིགས་རླབས་ཆེན་བསྐྱར་དར་གྱི་ཀྲུང་གོའི་ཕུགས་འདུན་མངོན་འགྱུར་བྱེད་པར་དམ་པོར་དམིགས་པ་དང་། ཏང་དང་རྒྱལ་ཁབ་ཀྱི་འཕེལ་རྒྱས་འཐབ་ཇུས་དང་བཀོད་སྒྲིག་གལ་ཆེན་ལ་དམིགས་ནས། དངོས་གཉེར་བདེན་འཚོལ་གྱི་ཚན་རིག་སྙིང་སྟོངས་རྒྱུན་འཁྱོངས་བྱེད་པ་དང་། སྤྱི་ཚོགས་རིང་ལུགས་ཀྱི་སྲོག་ཤིང་རིན་ཐང་ལྟ་བ་རང་རྟོགས་སྒོས་ལག་ལེན་མཐར་ཕྱིན་བྱས་ནས། འཛམ་གླིང་གི་ཚན་རྩལ་སྟོབས་ལྡན་རྒྱལ་ཁབ་འཛུགས་སྐྲུན་བྱེད་པའི་ཁྲོད་བྱས་རྗེས་འཇོག་དགོས་ཟེར། །