ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། ཀྲུང་གོའི་སྲིད་གཞུང་གིས་ཨི་ཀྭ་ཏོར་ས་འགུལ་གནོད་ཐེབས་ས་ཁུལ་དུ་འདོན་སྤྲོད་བྱས་པའི་འཕྲལ་སྒྲུབ་རྒུད་སྐྱོབ་དངོས་རྫས་སྐོར་དང་པོ་ཚེས་ཉེར་བདུན་ཉིན་གྱི་སྔ་དྲོར་ཨི་ཀྭ་ཏོར་འབྱོར། ཀྲུང་གོ་དང་ཨི་ཀྭ་ཏོར་ཕྱོགས་གཉིས་ཀྱིས་གནམ་གྲུ་ཐང་ནས་དངོས་རྫས་བརྒྱུད་སྤྲོད་ཀྱི་མཛད་སྒོ་སྤེལ། དངོས་རྫས་དེའི་ནང་རས་གུར་སྟོང་ལྔ་དང་བཞི་བརྒྱ་དང་ལྟེབ་ཆོག་པའི་མལ་ཁྲི་ཁྲི་ཙམ་འདུས། དངོས་རྫས་འབྱོར་རྗེས་ཨི་ཀྭ་ཏོར་གྱིས་མྱུར་མོར་སྒྲིག་སྦྱོར་བྱས་པ་དང་། སྐྱེལ་འདྲེན་རླངས་འཁོར་ཆེན་མོའི་ནང་སྒྲིག་སྦྱོར་བྱས་རྗེས་ཅི་ཏའོ་ནས་ལམ་དུ་ཆས། ཚོད་དཔག་བྱས་ན་ཉིན་དེར་གནོད་ཐེབས་ས་ཁུལ་མན་ཐཱ་གྲོང་ཁྱེར་དུ་འབྱོར་སྲིད། །