རྒྱལ་ཡོངས་དམངས་འཐུས་ཚོགས་ཆེན་སྐབས་བཅུ་གཉིས་པའི་རྒྱུན་ལས་ཨུ་ཡོན་ལྷན་ཁང་གི་གྲོས་ཚོགས་ཐེངས་ཉི་ཤུ་བ་ཚེས་ཉེར་ལྔ་ཉིན་གྱི་སྔ་དྲོར་མི་དམངས་ཚོགས་ཁང་ཆེན་མོའི་ནང་ཚོགས་མགོ་བརྩམས། ཨུ་ཡོན་ཀྲང་ཀྲང་ཏི་ཅང་གིས་གྲོས་ཚོགས་ལ་མགོ་འཛིན་མཛད།
རྒྱལ་ཡོངས་དམངས་འཐུས་ཚོགས་ཆེན་སྐབས་བཅུ་གཉིས་པའི་རྒྱུན་ལས་ཨུ་ཡོན་ལྷན་ཁང་གི་གྲོས་ཚོགས་ཐེངས་ཉི་ཤུ་བ་ཚེས་ཉེར་ལྔ་ཉིན་གྱི་སྔ་དྲོར་མི་དམངས་ཚོགས་ཁང་ཆེན་མོའི་ནང་ཚོགས་མགོ་བརྩམས། ཨུ་ཡོན་ཀྲང་ཀྲང་ཏི་ཅང་གིས་གྲོས་ཚོགས་ལ་མགོ་འཛིན་མཛད།
ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། རྒྱལ་ཡོངས་དམངས་འཐུས་ཚོགས་ཆེན་སྐབས་བཅུ་གཉིས་པའི་རྒྱུན་ལས་ཨུ་ཡོན་ལྷན་ཁང་གི་གྲོས་ཚོགས་ཐེངས་ཉི་ཤུ་བ་ཚེས་ཉེར་ལྔ་ཉིན་གྱི་སྔ་དྲོར་མི་དམངས་ཚོགས་ཁང་ཆེན་མོའི་ནང་ཚོགས་མགོ་བརྩམས། ཨུ་ཡོན་ཀྲང་ཀྲང་ཏི་ཅང་གིས་གྲོས་ཚོགས་ལ་མགོ་འཛིན་མཛད།
རྒྱུན་ལས་ཨུ་ཡོན་ལྷན་ཁང་གི་ཁོངས་མི་བརྒྱ་དང་ང་བཞི་གྲོས་ཚོགས་ལ་ཞུགས་པས། བཅའ་ཁྲིམས་ཀྱིས་གཏན་ཁེལ་བྱས་པའི་མི་གྲངས་དང་མཐུན།
གྲོས་ཚོགས་ནས་རྒྱལ་ཡོངས་དམངས་ཆེན་བཅའ་ཁྲིམས་ཨུ་ཡོན་ལྷན་ཁང་གི་ཀྲུའུ་རིན་ཨུ་ཡོན་གཞོན་པ་ཞུའུ་ཞན་མེན་གྱིས་ཕུལ་བའི་རྒྱལ་ཕྱིའི་སྲིད་གཞུང་མིན་པའི་རྩ་འཛུགས་དོ་དམ་བཅའ་ཁྲིམས་འཆར་ཟིན་གྱི་གྲོས་ཞིབ་མཇུག་འབྲས་སྐོར་གྱི་སྙན་ཞུ་ལ་ཉན། ཕྱོགས་སོ་སོའི་བསམ་འཆར་རྒྱ་ཆེར་བསྡུ་ལེན་བྱས་པ་བརྒྱུད་དེ། འཆར་ཟིན་གྱི་ཞུ་དག་མ་ཡིག་གསུམ་པས་ཞུ་དག་མ་ཡིག་གཉིས་པར་བཟོ་བཅོས་བྱས་ནས། བཅའ་ཁྲིམས་ལེགས་སྒྲིག་གི་གཞི་ཁྱོན་གཏན་ཁེལ་གསལ་བོ་བྱས་པ་དང་། རྒྱལ་ཕྱིའི་སྲིད་གཞུང་མིན་པའི་རྩ་འཛུགས་ཀྱིས་རང་རྒྱལ་གྱི་མངའ་ཁོངས་ནས་འཐུས་ཚབ་ལས་ཁུངས་འཛུགས་པའི་གྲངས་ཀ་དང་། སྡོད་ཡུན་ལ་ཚོད་འཛིན་བྱེད་རྒྱུ་མིན་ལ། དང་བླངས་པ་དང་བྱ་བ་སྒྲུབ་མཁན་གླ་བ་སོགས་ཐད་ཀྱི་ཚོད་འཛིན་རང་བཞིན་གྱི་གཏན་ཁེལ་མེད་པར་བཟོས། བཅའ་ཁྲིམས་ཨུ་ཡོན་ལྷན་ཁང་གིས་བལྟས་ན་འཆར་ཟིན་དེར་ཐེངས་གཉིས་ལ་གྲོས་ཞིབ་བཟོ་བཅོས་བྱས་པ་བརྒྱུད་ཅུང་འཐུས་ཚང་དུ་གྱུར་ཡོད་པས། ཐེངས་འདིའི་རྒྱུན་ལས་ཨུ་ཡོན་ལྷན་ཁང་གི་གྲོས་ཚོགས་ལ་གྲོས་ཞིབ་བྱས་ཏེ་གྲོས་འཆམ་འབྱུང་བར་སྤྲད་པ་ཡིན་ཟེར།
གྲོས་ཚོགས་ནས་རྒྱལ་ཡོངས་དམངས་ཆེན་བཅའ་ཁྲིམས་ཨུ་ཡོན་ལྷན་ཁང་གི་ཀྲུའུ་རིན་ཨུ་ཡོན་གཞོན་པ་ཅན་ཅན་གྱིས་ཕུལ་བའི་རི་སྐྱེས་སྲོག་ཆགས་སྲུང་སྐྱོབ་བཅའ་ཁྲིམས་ཀྱི་བཟོ་བཅོས་འཆར་ཟིན་ལ་བཟོ་བཅོས་བྱས་པའི་གནས་ཚུལ་སྐོར་གྱི་ཡར་ཞུ་ལ་ཉན། འཆར་ཟིན་གྱི་ཞུ་དག་མ་ཡིག་གཉིས་པས་མིའི་ཐབས་ཀྱི་སྐྱེ་འཕེལ་ཆོག་མཆན་ཡི་གེའི་དོ་དམ་སྔར་ལས་ཚད་ལྡན་དུ་བཏང་བ་དང་། རྒྱལ་ཁབ་ཀྱིས་གཙོ་གནད་དུ་སྲུང་སྐྱོབ་བྱེད་པའི་རི་སྐྱེས་སྲོག་ཆགས་དང་དེའི་ཐོན་རྫས་ཀྱིས་བཟོས་པའི་ཟས་རིགས་ཐོན་སྐྱེད་དང་ཚོང་གཉེར་བྱེད་པར་བཀག་འགོག་བྱེད་པ་སོགས་ཀྱི་ནང་དོན་ཁ་སྣོན་བྱས།
སྤྱི་བའི་རིག་གནས་ཞབས་ཞུའི་མ་ལག་གི་འཛུགས་སྐྲུན་ལ་ཤུགས་བསྣན་ནས། མི་དམངས་མང་ཚོགས་ཀྱི་བསམ་པའི་རིག་གནས་འཚོ་བ་ཕུན་སུམ་ཇེ་ཚོགས་སུ་གཏོང་བ་དང་། སྤྱི་ཚོགས་རིང་ལུགས་རིག་གནས་དར་རྒྱས་གོང་འཕེལ་དུ་གཏོང་ཆེད། རྒྱལ་ཡོངས་དམངས་ཆེན་སློབ་སགོ་ཚན་རིག་རིག་གནས་འཕྲོད་བསྟེན་ཨུ་ཡོན་ལྷན་ཁང་གིས་སྤྱི་བའི་རིག་གནས་ཞབས་ཞུའི་འགན་སྲུང་བཅའ་ཁྲིམས་ཀྱི་འཆར་ཟིན་ལ་གྲོས་ཞིབ་བྱེད་པའི་གྲོས་གཞི་བཏོན། རྒྱལ་ཡོངས་དམངས་ཆེན་སློབ་གསོ་ཚན་རིག་རིག་གནས་འཕྲོད་བསྟེན་ཨུ་ཡོན་ལྷན་ཁང་གི་ཀྲུའུ་རིན་ཨུ་ཡོན་ལིག་པེན་ཅེ་ཡིས་ཁྲིམས་འཛུགས་ཀྱི་དགོས་ངེས་རང་བཞིན་དང་སྤྱིའི་བསམ་ཕྱོགས། འཆར་ཟིན་གྱི་ནང་དོན་གཙོ་བོ་བཅས་གསལ་བཤད་བྱས།
རྒྱལ་སྲུང་འགྲིམ་འགྲུལ་འཛུགས་སྐྲུན་ལ་ཤུགས་བསྣན་ནས། རྒྱལ་སྲུང་བྱ་འགུལ་བདེ་བླག་ངང་སྤེལ་བར་འགན་སྲུང་བྱེད་ཆེད། རྒྱལ་སྲིད་སྤྱི་ཁྱབ་ཁང་དང་ཀྲུང་དབྱང་དམག་དོན་ཨུ་ཡོན་ལྷན་ཁང་གི་འབྲེལ་ཡོད་སྡེ་ཁག་གིས་གཅིག་སྟོང་དགུ་བརྒྱ་གོ་ལྔ་ལོར་གཏན་འབེབས་བྱས་པའི་རྒྱལ་སྲུང་འགྲིམ་འགྲུལ་སྲོལ་ཡིག་གི་རྨང་གཞིའི་སྟེང་། ཞིབ་འཇུག་དང་ར་སྤྲོད་གང་ལེགས་བྱས་པ་བརྒྱུད་དེ། རྒྱལ་སྲུང་འགྲིམ་འགྲུལ་བཅའ་ཁྲིམས་འཆར་ཟིན་གྱི་མ་ཡིག་བྲིས། རྒྱལ་སྲིད་སྤྱི་ཁྱབ་ཁང་དང་ཀྲུང་དབྱང་དམག་དོན་ཨུ་ཡོན་ལྷན་ཁང་གི་མངགས་བཅོལ་ལྟར། ཀྲུང་དབྱང་དམག་དོན་ཨུ་ཡོན་ལྷན་ཁང་གི་ཨུ་ཡོན། ཀྲུང་དབྱང་དམག་ཨུའི་མཁོ་སྒྲུབ་འགན་སྲུང་པུའུ་ཡི་པུའུ་ཀྲང་ཀྲའོ་ཁི་ཧྲི་ཡིས་དེའི་ཐད་ནས་གསལ་བཤད་བྱས།
གྲོས་ཚོགས་ནས་ཁྲིམས་འཛིན་པུའུ་ཡི་པུའུ་ཀྲང་ཝུའུ་ཨེ་དབྱིན་གྱིས་རྒྱལ་སྲིད་སྤྱི་ཁྱབ་ཁང་གི་མངགས་བཅོལ་ལྟར་ཕུལ་བའི་ལོ་ལྔའི་བཅའ་ཁྲིམས་ཁྱབ་གདལ་དུ་གཏོང་ཐེངས་དྲུག་པའི་གྲོས་ཆོད་ལག་བསྟར་གནས་ཚུལ་གྱི་སྙན་ཞུ་དང་། ཁྲིམས་སྐྱོང་དྲིལ་སྒྲོག་སློབ་གསོ་ཟབ་སྤེལ་བྱེད་པའི་སྐོར་གྱི་གྲོས་ཆོད་འཆར་ཟིན་ལ་གྲོས་ཞིབ་བྱེད་པའི་གྲོས་གཞིའི་གསལ་བཤད་ལ་ཉན། །