མེ་ལྕེའི་རྩེ་མོ་ན། ཉི་ནུབ་ཀྱི་རྐང་འོག་ན།
ས་སྲིད་ནི་འཕྱོར་སྒེག་གིས་ཕྱུག་ཅིང་བླ་ན་མེད་པར།
སྟོན་ཁའི་སྐྱོ་གདུང་ཁྲོད་ནར་སོན།
ཉི་ནུབ་དུས་ཀྱི་ས་གཞི་ཆེན་མོར། བསྐལ་པའི་མེ་དཔུང་རབ་ཏུ་རྒོད་ཅིང་།
གནམ་སའི་མཐའ་མཚམས་དམར་པོར་བསྲེགས་ཏེ་ལང་ལོང་དུ་འཕྱུར།
མི་ལ་རྔམ་བརྗིད་ཀྱི་ཉམས་སྟེར་ཞིང་། གཟི་བརྗིད་དང་ཚེ་ཚད་མཉམ་དུ་གནས་པའི་སྣང་བ་དེས།
ས་སྲོད་ཀྱི་སྒྲོན་མེའི་གོ་ཕྱེས།
མི་སེར་རྣམས་སྨག་རིམ་སླེབས་པར་གདུང་སེམས་རབ་ཏུ་སྐྱེས།
སེམས་ངོགས་སུ་བསྐལ་བརྒྱར་བརྟན་པའི་གཏམ་དག་འགྲེ་ལོག་རྒྱག
དུས་ཀྱི་ས་རྡུལ་གྱིས་ང་རང་དམ་དུ་མཁྱུད་ཅིང་།
དམར་པོ་མེ་ཡི་རི་སྒང་དུ་གར་དུ་རྩེན།
བསྐལ་བརྒྱར་བརྟན་པའམ་སྲི་ལམ་དུ་གྱུར་པ་གང་ཡིན་ཡང་།
སུ་དང་གང་གིས་ཀྱང་ང་ལ་ཆོག་མཆན་མེད།
དེ་ལས་ལྡོག་པ་ནི། ས་སྲོད་འདིར་སྡུག་བསྔལ་ལ་ཚད་མེད་ཅིང་།
དལ་བ་ལ་ཚད་མེད་པས་མི་ལ་སྡུག་བསྔལ་གྱིས་ཀུན་ནས་གདུང་།
ཁྲག་རྩ་རྡུམ་སེ་བཅད།
ཉི་ནུབ་ནི་དམར་ནག་ཡིན།
བརྩེ་དུང་ཅན་དག་ཁྱོ་ཤུག་ཏུ་འགྱུར་བར་སྨོན།
བརྩེ་དུང་ལ་འགྱུར་བ་མེད་པར་སྨོན།
ཡང་ན། དེ་ལས་ལྡོག་སྟེ། དུས་མཐའི་སྐད་ཅིག་མའི་རིང་འཚབ་འཚུབ་ཀྱིས་གཟིམ་པར་ཤོག
ངས་ད་ནས་བཟུང་སྟེ། འདས་ཟིན་པ་མི་གླེང་བར་སྨོན།
སྡུག་བསྔལ་དང་བདེ་སྐྱིད་མི་གླེང་བར་སྨོན།
ཡང་བསྐྱར་མི་གླེང་བར་སྨོན།
སྐྱེས་ཀྱང་འབྱུང་བ་མེད་ལ་ཤི་ཡང་འཁྱེར་མི་འགྲོ་བ་སྟེ།
ས་སྲོད་ཁོ་ན་འཕྱོར་སྒེག་གིས་ཕྱུག་ཅིང་བླ་ན་མེད།