ཆར་བ་བབས་བྱུང་།
ཁྲི་གོང་ཨོ་རྒྱན་ཚེ་རིང་།
ཆར་བ་བབས་བྱུང
ཆར་བ་མགྲོན་པོ་ཞིག་གིའམ་
རླུང་ནག་ཅིག་གི་ཚུལ་གྱིས
ལོ་མའི་སྒལ་གཞུང་ནས་ཡུར་བའི་མཐིལ་ལ་བབས་བྱུང
ཆར་བ་བབས་བྱུང
ཆར་བ་ཕོ་ཉ་ཞིག་གིའམ་
རྨི་ཐག་ཅིག་གི་ཚུལ་གྱིས
ཡུམ་བུ་བླ་མཁར་གྱི་བརླ་སྒང་ནས་ས་གཞི་རིལ་མོར་བབས་བྱུང
ཆར་བ་བབས་བྱུང
ཆར་བ་སྔགས་པ་ཞིག་གིའམ་
དམག་དཔོན་ཞིག་གི་ཚུལ་གྱིས
ནམ་མཁའི་མཐའ་ནས་རྒྱ་མཚོའི་དཀྱིལ་ལ་བབས་བྱུང
ཆར་བ་བབས་བྱུང
ཆར་བ
བྱེའུའི་གཤོག་རྡེབ་བཞིན
རྒྱ་མཚོའི་རླབས་ཕྲེང་བཞིན
རྒྱ་སྟག་གི་མཆེ་བ་བཞིན
སླར་ཡང
ཕྱོགས་བཞི་མཚམས་བརྒྱད་ནས
བབས་བྱུང བབས་བྱུང
ཉིན་མཚན་མེད་པར་བབས་བྱུང
༢༠༢༠ལོའི་བོད་ཟླ་༥ཚེས་༡༤ཉིན།