ཕྲུ་གུའི་སྐྱེས་སྐར་གསལ་པོ་མ་ཤེས་ཚེ་གང་ཞིག་གཞིར་གཟུང་དགོས་སམ།

གྱོད་དཔེ།   

མཚོ་མོ་སྐྱེས་ནས་ལོ་གཅིག་ཕྱིན་པའི་སྐྱེས་སྐར་ཉིན་མོར།   ཨ་མས་རང་གི་ཤ་ལས་མཆེད་པའི་བུ་མོའི་སྐྱེས་སྐར་ནམ་ཡིན་ཆ་མ་འཚལ།   སྨན་ཁང་གི་སྐྱེས་སྐར་དཔང་ཡིག་ཏུ་ཟླ6ཚེས5ཉིན་ཡིན་པ་དང་།   ཁྱིམ་ཐོའི་ངོས་སུ་ཟླ6ཚེས4ཉིན་ཡིན།    དེ་ལྟར་མཚོ་མོའི་སྐྱེས་སྐར་གསལ་པོ་མ་ཤེས་ཚེ་གང་ཞིག་གཞིར་གཟུང་དགོས་སམ། 

བཅའ་ཁྲིམས་དབྱེ་ཞིབ།

མཚོ་མོའི་སྐྱེས་སྐར་ཁྱིམ་ཐོའི་ངོས་ཀྱི་ཚེས་གྲངས་གཞིར་གཟུང་དགོས།    རང་རྒྱལ་གྱི་འབྲེལ་ཡོད་རྩ་ཁྲིམས་ལྟར་ན།    སྤྱི་དམངས་ཀྱི་དམངས་དོན་ཐོབ་ཐང་གི་བྱེད་ནུས་སྐྱེས་པའི་ཉིན་ནས་བཟུང་འགོ་བརྩམས་པ་བཀས་བཅད་ཡོད།   སྐྱེས་སྐར་གྱི་ཚེས་གྲངས་ཁྱིམ་ཐོ་དཔང་ཡིག་གཞིར་གཟུང་དགོས།    ཁྱིམ་ཐོ་དཔང་ཡིག་མེད་ན་སྨན་ཁང་གི་སྐྱེས་སྐར་དཔང་ཡིག་གཞིར་གཟུང་དགོས།   སྨན་ཁང་གི་སྐྱེས་སྐར་དཔང་ཡིག་མེད་ཚེ་འབྲེལ་ཡོད་ཀྱི་དཔང་ཡིག་གཞན་པ་གཞིར་གཟུང་དགོས།    དེ་ལྟ་བས་ན།   ཕྲུ་གུའི་སྐྱེས་སྐར་གྱི་ཚེས་གྲངས་ཁྱིམ་ཐོ་དཔང་ཡིག་རྩ་བ་གཟུང་དགོས།   གོང་གི་གྱོད་དཔེ་ལས་ཁྱིམ་ཐོ་དཔང་ཡིག་ཏུ་མཚོ་མོའི་སྐྱེས་སྐར་ཟླ6ཚེས4ཉིན་ཡིན་པས།   དེ་ནི་མཚོ་མོའི་སྐྱེས་སྐར་ཉིན་མོ་ཡིན།  

བཅའ་ཁྲིམས་ཀྱི་ཤེས་བྱ།

《དམངས་ཁྲིམས་ཀུན་ཁྱབ་ཀྱི་བསམ་འཆར》ལེའུ་དང་པོར།     སྤྱི་དམངས་ཀྱི་དམངས་དོན་ཐོབ་ཐང་གི་བྱེད་ནུས་སྐྱེས་པའི་ཉིན་ནས་བཟུང་འགོ་བརྩམས་པ་བཀས་བཅད་ཡོད། སྐྱེས་སྐར་གྱི་ཚེས་གྲངས་ཁྱིམ་ཐོ་དཔང་ཡིག་གཞིར་གཟུང་དགོས།    ཁྱིམ་ཐོ་དཔང་ཡིག་མེད་ན་སྨན་ཁང་གི་སྐྱེས་སྐར་དཔང་ཡིག་གཞིར་གཟུང་དགོས།   སྨན་ཁང་གི་སྐྱེས་སྐར་དཔང་ཡིག་མེད་ཚེ་འབྲེལ་ཡོད་ཀྱི་དཔང་ཡིག་གཞན་པ་གཞིར་གཟུང་དགོས། །

རྩོམ་སྒྲིག་པ། གསང་བདག་རྒྱལ།

དཔྱད་མཆན 0 ཡོད།