གྱོད་དཔེ།
ལོ་ན29ལ་སོན་པའི་ལྷ་མོ་ནི་འབྲོང་ར་རྫོང་གི་སྡེ་བ་ག་གེ་མོའི་གཉེན་བསྒྲིགས་ཟིན་པའི་བུད་མེད་ཅིག་ཡིན། ཁོ་མོར་སློབ་སྦྱོང་བྱེད་པའི་འདུན་པ་ཤིན་ཏུ་ཆེ་མོད། སྔོན་ཆད་ཁྱིམ་ཚང་དབུལ་བོ་ཡིན་པས་སྔ་མོ་ནས་སློབ་གྲྭར་འགྲོ་མ་ཐུབ་པར་ཁྱིམ་ལས་གཉེར། རྗེས་སུ་གཉེན་སྒྲིག་བྱས་ཤིང་བྱིས་པ་ཞིག་ཀྱང་བཙས་པར་མ་ཟད། ད་ལྟ་ཁོ་མོའི་བུ་ཕྲུག་གིས་སྡེ་བ་དེའི་སློབ་ཆུང་འགྲིམ་བཞིན་ཡོད་ལ། ཁོ་མོས་ཀྱང་ཁྱིམ་ལས་ཀྱི་ཞོར་དུ་སློབ་སྦྱོང་ལ་ཧུར་བརྩོན་བྱས་ཏེ་སྤྱི་ཚོགས་དར་མའི་གྲས་ནས་མཐོ་རྒྱུགས་སྤྲད་པས་ཞིང་ཆེན་གྱི་དར་མའི་སློབ་ཆེན་ཞིག་ལ་རྒྱུགས་འཕྲོད། ཁོ་མོ་དགའ་སྤྲོའི་ངང་སློབ་གྲྭ་འགྲོ་བར་གྲ་སྒྲིག་བྱེད་སྐབས། ཁོ་མོའི་ཁྱོ་གས་སློབ་བསྡུ་བརྡ་ཐོ་སོགས་འབྲེལ་ཡོད་དཔང་ཡིག་རྣམས་སྦས་ཏེ་ཁོ་མོ་སློབ་གྲྭ་འགྲོ་རུ་མ་བཅུག རྒྱུ་མཚན་ནི་ཁོ་མོ་གཉེན་བསྒྲིགས་ཟིན་པས་ཁྱིམ་ལས་གཉེར་ནས་བྱིས་པ་སྐྱོང་བ་ལས་སློབ་གྲྭར་འགྲོ་མི་ཆོག་པར་བཤད།
ཕྲན་དཔྱད།
རང་རྒྱལ་གྱི«ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་བུད་མེད་ཁེ་དབང་སྲུང་སྐྱོང་བཅའ་ཁྲིམས»ཀྱི་དོན་ཚན14པ་ལས“བུད་མེད་ལ་སྐྱེས་པ་དང་འདྲ་མཉམ་གྱི་སློབ་གསོ་མྱོང་བའི་ཁེ་དབང་ཡོད”ཅེས་གཏན་ཁེལ་བྱས་ཡོད་ལ། རང་རྒྱལ་གྱི་སྤྱི་དམངས་ལ་སྐྱེས་ཕོ་མོའི་དབྱེ་བ་མེད་པར་འདྲ་མཉམ་སྒོས་སློབ་གསོ་མྱོང་བའི་དབང་ཆ་ཡོད། བུད་མེད་ཀྱི་སློབ་གོ་མྱོང་བའི་དབང་ཆ་མི་འཕྲོག་པ་དང་། དུས་མཚུངས་སུ་བུད་མེད་ལ་རིག་གནས་བྱ་འགུལ་ཐད་ལའང་སྐྱེས་པ་དང་འདྲ་མཉམ་གྱི་དབང་ཆ་ཡོད་པས། ཚན་རིག་ཞིབ་འཇུག་དང་རིག་རྩལ་གསར་རྩོམ། དེ་མིན་གཞན་པའི་རིག་གནས་བྱ་འགུལ་སྤེལ་སྐབས། བུད་མེད་དང་སྐྱེས་པར་ཆ་རྐྱེན་འདྲ་མཉམ་གྱི་གོ་སྐབས་དང་ཐོབ་ཆ་དགོས་པ་ལས་བུད་མེད་ལ་མཐོང་ཆུང་བྱ་མི་རུང་ཞིང་། ཆ་རྐྱེན་དང་ཚད་གཞི་འོས་འཚམ་གྱིས་ཇེ་མཐོར་གཏང་མི་རུང་།